Isqꞌan yaꞌ David iskolwal Komam Dios yinh xol ilwebꞌal
Salmo tiꞌ tzꞌibꞌnhebꞌilkano yu yaꞌ rey David
142
Chiꞌahwawan,chinqꞌannihan tet Komam Jahawil yu istzꞌay iskꞌul winhan.
2 Chiwalan inyaꞌtajilan sata Komam,
haꞌ sata Komam chiwaqꞌan yohtanhelo inbꞌiskꞌulalan.a
3 Yet kaw islahniko bꞌiskꞌulal yinh wanmahan, hach hawohta inbꞌeybꞌalan.
Haꞌ yul bꞌeh bꞌay chintohan haꞌ ebꞌnaj chichiwa iskꞌul winhan
yayo ebꞌnaj latzꞌabꞌ yebꞌanto ebꞌnaj yul inbꞌehan.
4 Tꞌanhxanhti yinh inwatxꞌqꞌabꞌan,
kat hawilni tato machi hunu mak chikolwa winhan.
Machi hunu mak chinkolnihan,
machi hunu mak chiꞌok yinh iskꞌul winhan.
5 Mam Jahawil, tawet chiꞌahwawan, chiwalnihan:
«Mamin, hach bꞌay chikawxi inkꞌulan, yebꞌ xin inmajulan sat txꞌo txꞌotxꞌ xol anma itzitzto,» kinchihan.
6 Hajbꞌa hatxikin yet chiꞌahwawan tawet,
yuto kaw matxatikꞌa nino wipan.
Kolinilojan yul isqꞌabꞌ ebꞌnaj chinaqꞌni ekꞌo yaꞌan,
yuto kaw ekꞌbꞌal yip ebꞌnaj insatajan.
7 Hakaꞌta preso wehan yu isyaꞌtajil tiꞌ,
yuxin kolinilojan tet yunhe kach inbꞌitnhenan.
Hayet chawanayo hakꞌulal wibꞌanhtuꞌan
chinhoylaxayojan yu ebꞌnaj istoholalnhetikꞌa chiswatxꞌe.