Kawxojabꞌ kokꞌul yinh Komam Dios hakaꞌ hunu nichꞌan unin
Salmo tiꞌ tzꞌibꞌnhebꞌilkano yu yaꞌ rey David, bꞌit chako anma Israel yet chiꞌahto bꞌey Jerusalén
131
Mamin, hanintiꞌan, machi loloꞌal yul wanmahan,maxhtaj yinh loloꞌal tuꞌ tꞌanhan intojan.
Mach tzujano hinan yinta tzet ye tuꞌ kaw ekꞌnaxa yelapnoj,
hunteqꞌan mach chinqꞌojihan yinh.a
2 Wal xin matzet chiwalan tonhe tukan hinan,
hakaꞌ hunu nichꞌan unin lanhanto istxutxwilo yinh ismiꞌ.
¡Chelbꞌilkanh yu ismiꞌ tuꞌ, hak tuꞌ wehan!
3 Hex Israel yinhojabꞌ Komam Dios chikawxi hekꞌul,
tinanh yebꞌ yinh sunilbꞌal ej tiempo.