Haꞌ Komam Dios chikolni konhobꞌ Israel
Bꞌit chako anma Israel yet chiꞌahto bꞌey Jerusalén
130
Mam Jahawil, hata yichayto huneꞌ xabꞌ chinawihan tawet.2 Habꞌe tzet chiwalan Mamin,
haj hatxikin chawabꞌen tzet chinqꞌanan tawet.
3 Mamin, ta kaw chabꞌis hunun komulanh,
matxam hunujonhanh linhan honhanh tinanh.
4 Yajaꞌ wal xin tawinh chiꞌilchalo nimankꞌulal yinh komulanh,
yunhe jinayo kobꞌahanh tawet.
5 Hanintiꞌan chiwechmahan Komam yinh sunil wanmahan,
yebꞌ xin chikawxi inkꞌulan yinh Istzotiꞌ.a
6 Hakaꞌ yechmali ebꞌnaj tanhem konhobꞌ yet aqꞌbꞌalil ay yalaꞌ ebꞌnaj chisajbꞌinaloj,
hak tuꞌ wechmanan Komam.
7 Hex Israel hex tiꞌ, aweko heyanma yinh Komam,
yuto kaw kꞌul iskꞌul, yebꞌ xin yinh chiꞌilchalo kolbꞌanile.
8 Haꞌ Komam chikolnilo anma Israel yalanh sunil ismul.