Saqꞌal yet mak chixiw tet Komam Dios
Bꞌit chako anma Israel yet chiꞌahto bꞌey Jerusalén
128
Saqꞌal yet naj winaj chixiw tet Komam Jahawil,yebꞌ xin chisbꞌeybꞌalnhe tzet choche Komam.
2 Hayet chaloni sat hamunil kaw saqꞌal hawet,
yebꞌ xin sunil tzet chawatxꞌe kaw kꞌul chiꞌelikoj.
3 Hawixal lahan hakaꞌ teꞌ uva xanhe chayaniko sat yinhla hawatut.
Haꞌ nixhte hawuninal lahan hakaꞌ iswol teꞌ olivo,
hoyaniko nixhte hawuninal yinh mexha.
4 Hak tuꞌ chu yanayo Komam Dios isyaxilal yibꞌanh naj winaj chixiw tet Komam.
5 ¡Yaqꞌabꞌayo Komam Dios iskꞌulal tawibꞌanh bꞌey wonhan Sión.
Chawilaꞌ issaqꞌalil konhobꞌ Jerusalén yinh sunilbꞌal tiempo ayach yul sat yibꞌanhqꞌinal tiꞌ.
6 Chawilaꞌ yinh nixhte yuninal hawuninal!
¡Ayojabꞌ aqꞌankꞌulal yul konhobꞌ Israel!