Haꞌ tet Komam Dios chikochah sunil tzetaj ye tuꞌ
Salmo tiꞌ tzꞌibꞌnhebꞌilkano tet yaꞌ rey Salomón, bꞌit chako anma Israel yet chiꞌahto bꞌey Jerusalén
127
Tato maxhtaj Komam Dios chiwatxꞌenkanh hunu nha;nabꞌnhem chimunla ebꞌnaj watxꞌem nha.
Ta mach chistanhe Komam iskonhobꞌ nabꞌnhem chiꞌok istanhemal konhobꞌ tuꞌ.
2 Nabꞌnhe kaw sahabꞌ chiꞌah naj munlawom yebꞌ xin kaw qꞌejbꞌixa chimeltzo naj yatut,
chisloni naj tzet chislo yinh bꞌiskꞌulal,
yajaꞌ wal Komam Dios chaqꞌ Komam iskꞌulal tet anma ochebꞌil yu waxanhka wayanh chu.a
3 Haꞌ nixhte juninal chipitzkꞌahi sabꞌehal ye jet yu Komam Dios,
yuxin kaw aykano yelapnoj, yinh ebꞌix ix chitita.b
4 Haꞌ ej kokꞌahol chipitzkꞌa yet tzehonhto,
lahan hakaꞌ teꞌ litꞌ yul isqꞌabꞌ naj aqꞌom howal.
5 ¡Kaw saqꞌal yet naj txꞌiꞌal islitꞌ ayayto yul isnet!
Mach chikan yinh txꞌixwilal sata ebꞌnaj ayko ishowal yinh
yet chiskolni isbꞌa sata naj juez ayiko yul ispultahil konhobꞌ.c