Txah chiqꞌanni ta chihel-lax isbꞌeybꞌal anma Israel
Bꞌit chako anma Israel yet chiꞌahto bꞌey Jerusalén
126
Hayet yaqꞌni meltzoho Komam Dios Jahawil konhobꞌ Sión,bꞌay ekꞌlena preso,
lahan hakaꞌtanhe wayike.
2 Wal tuꞌ xanhe chitzebꞌi kotiꞌ yebꞌ xanhe chonhbꞌitni yu tzalahilal.
Yalni anma mach ohtanhe Komam Dios jinh hakaꞌ tiꞌ:
«Haꞌ Komam Dios xawatxꞌen kꞌaybꞌalkꞌule yinh anma Israel tiꞌ,» xhi.
3 ¡Hoꞌ kaw yeli haꞌ Komam Dios watxꞌenhe nimeta kꞌaybꞌalkꞌule jinh!
¡Yuxin kaw chonhtzalahi!
4 ¡Mam Jahawil, tzujanilo isyaꞌtajil tiꞌ chawaqꞌ meltzoho hayaxilal jilaꞌanh hunelxa,
hakaꞌ chu ishelni isbꞌa txꞌotxꞌ Neguev yu haꞌ nhabꞌ!
5 Haꞌ mak chiꞌekꞌyaꞌ yanma kat yoqꞌi yet chistzꞌunni yinhat,
yinhxa tzalahilal chishatxꞌa.
6 Waxanhka chiꞌoqꞌ yet chiyinito yinhat,
yajaꞌ haxa yet tzujanxa yinhxa tzalahilal chimeltzo yebꞌ sat istzꞌunubꞌ.