Haꞌ Komam Dios chitanhen makta yetxa yehi
Bꞌit chako anma Israel yet chiꞌahto bꞌey Jerusalén
125
Haꞌ anma chikawxi iskꞌul yinh Komam Dios Jahawil,lahan hakaꞌ wonhan Sión, mach chibꞌili, aynhetikꞌa yinh sunilbꞌal ej tiempo.
2 Hakaꞌ ishoyiko witz yinh konhobꞌ Jerusalén,
hak tuꞌ ishoyiko Komam yinh iskonhobꞌ tinanh yebꞌ yinh sunilbꞌal ej tiempo.
3 Ebꞌnaj yahaw txꞌoj, mach chiꞌok ebꞌnaj yahawo yinh sunilbꞌal tiempo
yinh txꞌotxꞌ yaqꞌkano Komam tet iskonhobꞌ,
yuto ay ismay yichiko iskonhobꞌ tuꞌ iswatxꞌen istxꞌojal.
4 Mamin, kꞌul chawute hakꞌul yinh anma kꞌul,
yebꞌ yinh anma tohol yanma.
5 Yajaꞌ wal anma chiꞌekꞌ yinh istxꞌojal,
lahanojabꞌ chiꞌelkaniko hawu hakaꞌ ebꞌnaj mulum.
¡Ayojabꞌ aqꞌankꞌulal yul konhobꞌ Israel!