Haꞌ Komam Dios iskolomal anma Israel
Salmo tiꞌ tzꞌibꞌnhebꞌilkano yu yaꞌ rey David, bꞌit chako anma Israel yet chiꞌahto bꞌey Jerusalén
124
Tato mach ayoko Komam Dios Jahawil jetbꞌihoj, yalabꞌ anma Israel hakaꞌ tiꞌ:2 tato mach ayoko Komam Dios jetbꞌihoj yet yaniko ebꞌnaj chichiwa iskꞌul howal jinh,a
3 itzitzonhmi konhisbꞌiqꞌnayto ebꞌnaj yet istit lemna ishowal ebꞌnaj jinh.
4 Konhkanmipaxkano yalanh haꞌ nime haꞌ,
konhyijmito haꞌ.
5 Ekꞌmito haꞌ nime haꞌ kaw ay yip jibꞌanh.
6 ¡Jaqꞌaꞌwe yuchꞌandiosal tet Komam Dios Jahawil,
yu yip Komam yuxin mach konhistzilto ebꞌnaj tuꞌ yu yeh!
7 Hakaꞌ chu iskolchalo noꞌ chꞌik yul latzꞌabꞌ,
hak tuꞌ yu konhiskolnilo Komam.
Hakaꞌtanhe tꞌijmoto islatzꞌabꞌ ebꞌnaj tuꞌ,
jelkanh yul isqꞌabꞌ ebꞌnaj.
8 Haꞌ Komam Dios Jahawil chikolwa jinh,
Komam watxꞌenhe satkanh yebꞌ txꞌo txꞌotxꞌ.