Txah chiqꞌanni istzꞌay iskꞌul Komam Dios yinh anma Israel
Salmo tiꞌ, bꞌit chako anma Israel yet chiꞌahto bꞌey Jerusalén
123
Mamin, ayach yul satkanh, tawinh chinah tꞌanhnojan.2 Tꞌanhan hinan tawinh hakaꞌ istꞌanhxi naj chejabꞌ yilni tzet chiswatxꞌe naj yahaw,
yebꞌ hakaꞌ istꞌanhxi ix chejabꞌ yilni tzet chiswatxꞌe ix yahaw.
Mam Jahawil, hach koDiosalanh tꞌanhan honhanh tawinh jechmananh istzꞌay hakꞌul jinhanh.
3 Mamin, tzꞌayojabꞌ hakꞌul jinhanh,
kat xin yoqꞌpaxo hakꞌul jinhanh,
yuto kaw xatibꞌayo juhanh jetalaxanh.
4 Kaw xakonhekꞌyaꞌanh konhisbꞌanihanh ebꞌnaj qꞌalom.
Chonhyetanpaxojanh ebꞌnaj winaj kaw kanhye chute isbꞌa.