Komam Dios Jahawil chonhkꞌubꞌani
Salmo tiꞌ, Bꞌit chako anma Israel yet chiꞌahto bꞌey Jerusalén
121
Hayet chintꞌanhxitojan yinh ej wonhan,chinqꞌambꞌehan,
¿bꞌaytaxkatuꞌwal chititiko inkolbꞌanilan?a
2 Haꞌ yinh Komam Dios chitit inkolbꞌanilan,
Komam watxꞌenhe satkanh yebꞌ txꞌo txꞌotxꞌ.
3 Haꞌ Komam chaxhtanheni, mach hunelo tiꞌ chiꞌok iswayanh.
Mach chaxhischah aykꞌayoj bꞌay yolan.
4 Mach hunelo tiꞌ chilow iswayanh Komam Dios,
Komam chitanhen anma Israel,
mach chiꞌok iswayanh.
5 Haꞌ Komam chaxhilni, haꞌ Komam chaxhtanheni.
Ayko Komam hawenhelo yinh hawatxꞌqꞌabꞌ.
6 Mach chaxhyeta yoj tzꞌayik yet tzꞌayikal,
yebꞌ ixahaw yinh aqꞌbꞌalil.b
7 Haꞌ Komam chachkꞌubꞌanilo tet sunil tzet machiswalil;
haꞌ Komam chaxhtanheni.
8 Haꞌ Komam chaxhtanhen yet chaxhto yinh habꞌel yebꞌ yet chachmeltzohi,
haꞌ chaxhtanhen tinanh yebꞌ yinh sunilbꞌal ej tiempo.