Kꞌaybꞌalkꞌule yet yel anma Israel bꞌey Egipto
114
Hayet yelti anma Israel yul konhobꞌ Egipto, huneꞌ konhobꞌ mach iskonhobꞌoj.2 Haꞌ yaꞌ Judá haꞌ okkano hakaꞌ yatuto Komam,
haꞌ xin Israel haꞌ okkano yalanh yip Komam Dios.
3 Hayet yilni haꞌ mar tato ayko Komam yetbꞌiho anma Israel tuꞌ yelkanh haꞌ,
ismeltzopaxo haꞌ niman Jordán yintaj.
4 Haxa witzlaj, yebꞌ wonhanlaj ah tꞌujla hakaꞌ noꞌ meꞌ yebꞌ hakaꞌ noꞌ nixhte yunin meꞌ.
5 Hach mar hach tiꞌ tzet hawaqꞌle,
¿tzet yinh xin kach elkanh?
Haxa hach Jordán hach tiꞌ,
¿tzet yinh xin kach meltzo tawintaj?a
6 Haxa hex witz hex tiꞌ, yebꞌ wonhanlaj,
¿tzet yinh xin kexah tꞌujla hakaꞌ noꞌ icham meꞌ yebꞌ hakaꞌ noꞌ nixhte yunin meꞌ?
7 Haxa txꞌotxꞌ hach tiꞌ,
kach luylunkanh sata Komam Dios,
isDiosal yaꞌ Jacob.
8 Haꞌ Komam inilti haꞌ nime haꞌ yul iskꞌul chꞌen chꞌen,
yaqꞌnipaxo eloti Komam isnuqꞌ ha haꞌ yul iskꞌul chꞌen nime chꞌen.b