Haꞌ Komam Dios chiꞌaqꞌni yip yaꞌ rey yaqꞌni yahawilal
Salmo tiꞌ tzꞌibꞌnhebꞌilkano yu yaꞌ rey David
110
Haꞌ Komam Dios Jahawil halni tet Wahawilan hakaꞌ tiꞌ:«¡Okanh tzꞌonhno yinh inwatxꞌqꞌabꞌan,
kat waniktojan ebꞌnaj ayko ishowal tawinh yalanh hawoj!»a xhi Komam.
2 Haꞌ bꞌey Sión chakaniko Komam teꞌ vara yul haqꞌabꞌ yechelo hawip.
«¡Chawaqꞌni yahawilal yibꞌanh ebꞌnaj ayko ishowal tawinh!
3 Hayet chawaqꞌni yahawilal tuꞌ,
chiyalte isbꞌa hakonhobꞌ iswatxꞌen tzet chawoche.
Lahan hach hakaꞌ yay yal chew yet sakꞌayal yibꞌanh ej wonhan yet Komam yehi.
Hunun tzꞌayik xin hawiqꞌni hawip, hakaꞌta hunun tzꞌayik hatzehbꞌiloj.»
4 Yaqꞌ bꞌinaho isbꞌi Komam Dios yinh,
machi xin chishekꞌ Komam yet yalnikano hakaꞌ tiꞌ:
«Hach tiꞌ sacerdote hach yinh sunilbꞌal ej tiempo,
hakaꞌtikꞌa ismunil yaꞌ Melquisedec,» xhi.b
5 Haꞌ Komam Dios ayko yinh hawatxꞌqꞌabꞌ.
Haꞌ yinh istzꞌayikal bꞌay chitit ishowal Komam kat istanhtzenilo ebꞌnaj rey.
6 Chil Komam Dios yinh tzet chiꞌeliko ej konhobꞌ,
kat yanayo isyaꞌtajil yibꞌanh makta ay ismul,
kat istenbꞌanto isnimanil ebꞌnaj.
Chischakꞌayo Komam iswiꞌ ebꞌnaj yahawil yul sat yibꞌanhqꞌinal tiꞌ.
7 Haꞌ yul bꞌeh chukꞌ yaꞌ rey ha haꞌ yinh isnuqꞌ huneꞌ haꞌ haꞌ,
haꞌ xin haꞌ chiꞌaqꞌni yip yaꞌ.