Aqꞌwe yuchꞌandiosal tet Komam Dios
Salmo tiꞌ bꞌit bꞌay chiꞌaqꞌlax yuchꞌandiosal tet Komam Dios
100
Sunil hex ay yul sat yibꞌanhqꞌinal tiꞌ,bꞌitnhewe Komam Dios yinh kaw tzalahilal.
2 Yijewe tet Komam Dios yinh tzalahilal.
Hulanhwe sata Komam yinh kaw tzalahilal.
3 Ohtanheweloj ta haꞌ Komam Dios Jahawil, kaw Dioskanoj.
Haꞌ Komam konhwatxꞌeni yet Komam jehi.
Konhiskonhobꞌ Komam, ismeꞌ Komam jehi yuxin tanhebꞌilonh yu.a
4 Okanhweto yul ispultahil Yatut Komam kat heyaqꞌni yuchꞌandios tet.
Okanhweto yul Yatut Komam kat hebꞌitnhen Komam.
¡Aweko ismay Komam kat heyalni kꞌul-la tzotiꞌ yinh!
5 Yuto kaw kꞌul iskꞌul Komam,
chitzꞌay iskꞌul jinh yinh sunilbꞌal ej tiempo.
Haꞌ isyelal tzet chal Komam aynhetikꞌa yinh tohbꞌalqꞌinal.