Haꞌ Komam Dios haꞌ Jahawil
93
¡Haꞌ Komam Dios, haꞌ Jahawil,kaw aykano isqꞌaqꞌal ismay Komam hoyaniko yip Komam yinh!
Haꞌ anhekanayo isxeꞌal huneꞌ yul sat yibꞌanhqꞌinal tiꞌ, yuxin mach chibꞌili.
2 Mamin, hataxtikꞌa tuꞌ ayachiko yahawilal.
Machi mak chiꞌinilo hatzꞌonhobꞌal.
Ayachnhetikꞌa yinh sunilbꞌal ej tiempo.
3 Mam Wahawil, hayet chibꞌelwi haꞌ nime haꞌ,
kaw chihaxon haꞌ, kaw nahat chiꞌah haꞌ yet chibꞌelwi.
4 Yajaꞌ wal hach hach tiꞌ Mamin, ayach yul satkanh,
kaw ekꞌbꞌalkano hawip sata yet chibꞌili ej haꞌ haꞌ
yebꞌ ekꞌbꞌalpaxo yet chismaqꞌni isbꞌa haꞌ mar.
5 Mamin, hachejbꞌanile hawaqꞌkanoj kaw yel chala.
Machi nino istxꞌojal ay yul hawatut yinh sunilbꞌal ej tiempo.