Kachbꞌanile yinh ebꞌnaj juez mach kꞌuloj
Salmo tiꞌ tzꞌibꞌnhebꞌilkano yu yaꞌ Asaf
82
Ayko Komam Dios xol ebꞌnaj juez bꞌey satkanh,yunhe yilni Komam yinh tzet chiꞌeliko ebꞌnaj,
chalni Komam tet ebꞌnaj:a
2 «¿Bꞌaqꞌinh chebꞌej heyaniko leqꞌtiꞌal yet cheyilni yinh tzet chiꞌeliko anma,
kat heyanito hebꞌa yinh mak chiwatxꞌen istxꞌojal?b
3 Wal xin watxꞌewe istoholal yinh anma mach mak chikolni,
yebꞌ yinh mak mach ismam machi ismiꞌ.
Watxꞌewe istoholal yinh anma mebꞌaꞌ yebꞌ anma matzet aya.
4 Kolwe makta machi yip iskolni isbꞌa yebꞌ anma mebꞌaꞌ.
¡Kolwanhwe yinh iskolni isbꞌa tet ebꞌnaj chiwatxꞌen istxꞌojal!
5 Yajaꞌ wal hex xin, mach heyohtajoj,
machi txumchapaxilo heyu.
Ayexiko xol qꞌejholoj, chibꞌili sunil xeꞌ txꞌotxꞌ.
6 Walnihan hakaꞌ tiꞌ: “Hex tiꞌ, hakaꞌ diosc hex,
hesunil yuninal Komam Dios heyehi, Komam kaw aykano yelapnoj,” kinchihan.d
7 Yaj xin chexkami,
hakaꞌ chu iskam ebꞌnaj winaj,
kat heyaykꞌay hakaꞌ chu yaykꞌay ebꞌnaj yahaw,» xhi Komam.
8 ¡Mamin, il yinh tzet chiꞌeliko anma ay sat txꞌo txꞌotxꞌ tiꞌ,
yuto hach tiꞌ Yahaw hach yinh sunil txꞌotxꞌ konhobꞌ ay yul sat yibꞌanhqꞌinal tiꞌ!