Bꞌitnojabꞌ ej konhobꞌ tet Komam Dios
Salmo tzꞌibꞌnhebꞌil tet naj yahaw isnuqꞌal bꞌit, yako naj yebꞌ munlabꞌal Neginot
67
Tzꞌayojabꞌ iskꞌul Komam Dios jinh,kat yanayo iskꞌulal jibꞌanh. Okojabꞌ tꞌanhno jinh.a
2 Yunhe yohtanhenilo anma ay yul hunun konhobꞌ ay sat txꞌo txꞌotxꞌ tiꞌ habꞌeh,
yebꞌ kolbꞌanile chawaqꞌa.
3 ¡Bꞌitnojabꞌ ej konhobꞌ tawet, Mamin! ¡Sunilojabꞌ anma chaxhbꞌitnheni!
4 Tzalahojabꞌ ej konhobꞌ,
yuto hach chawil yinh tzet chiꞌeliko anma yinh istoholal.
Hach tiꞌ ijbꞌalom hach yinh sunil ej konhobꞌ ay yul sat yibꞌanhqꞌinal.
5 ¡Bꞌitnojabꞌ ej konhobꞌ tawet, Mamin!
¡Sunilojabꞌ konhobꞌ chaxhbꞌitnheni!
6 Chaqꞌ txꞌo txꞌotxꞌ sat tzꞌunubꞌ,
chawanayo hayaxil jibꞌanhanh, hach tiꞌ, hach koDiosalanh.
7 Haꞌojabꞌ Komam chiꞌanayo iskꞌulal jibꞌanh.
Sunilojabꞌ anma ay yul sat yibꞌanhqꞌinal tiꞌ chixiw tet Komam.