Haꞌ Komam Dios chintanhenan
Salmo tzꞌibꞌnhebꞌilkano yu yaꞌ rey David
23
Haꞌ Komam Dios chintanhenan,yuxin machi hunu tiꞌ mach tzꞌajano yul inqꞌabꞌan.a
2 Hakaꞌ chu yinito hunu naj tanhem meꞌ ismeꞌ lowoj sat cheqꞌanh kaw yax,
istiꞌla ha haꞌ nanhkꞌulal chiꞌekꞌi yu yukꞌni noꞌ haꞌ,
kat isxew noꞌ, hak tuꞌ chu kinistanhenan Komam hunun tzꞌayik.b
3 Haꞌ Komam chiꞌaqꞌni yip wanmahan,
kat kinyijbꞌanikꞌojan yul isbꞌehal istoholal yuto ay yelapno isbꞌi Komam.
4 Waxanhka hoybꞌil hinan yu naj kamikal yebꞌ yu ej isyaꞌtajil;
mach chinxiwan, yuto hach tiꞌ Mamin, ayachiko wetbꞌihojan.
Hakꞌax yebꞌ haqꞌojoch, haꞌ chiꞌaniko yip wanmahan.
5 Hach chawatxꞌe huneꞌ qꞌinh wetan yinh sat sunil ebꞌnaj ayko ishowal winhan,
kat hawanahto anh kaw xuqꞌ sam xol xil inwiꞌan.
Kaw chanohtze invasohan yu tzet chawaqꞌ wukꞌuꞌan.
6 Hanhkꞌanhetikꞌa iskꞌulal Komam yebꞌ iskꞌulchꞌanil iskꞌul Komam chiyaqꞌ wetan hunun tzꞌayik.
Yebꞌ xin yul Yatut Komam Jahawil chinehayojan sunilbꞌal ej tiempo.