SALMOS
LIBRO 1
(Salmos 1–41)
Makta chiwatxꞌen istoholal yebꞌ makta chiwatxꞌen istxꞌojal
1
Saqꞌal yet mak mach chꞌekꞌ yinh tzet chal anmaa chiwatxꞌen istxꞌojal,yebꞌ xin machi ok yul isbꞌeh ebꞌnaj mulum.
Saqꞌal yet mak mach chꞌok tzꞌonhno iskꞌatanh ebꞌnaj chibꞌuchwa yinh Komam Dios.
2 Haꞌ mak tuꞌ xin,
haꞌ chejbꞌanile chiyal Komam Dios bꞌay ayko yanma,
yu kaw chitzala iskꞌul yinh.
Haꞌ kuybꞌanile chal Komam chꞌekꞌ yinh isnabꞌal yinh tzꞌayikal yebꞌ aqꞌbꞌalil.b
3 Haꞌ mak tuꞌ, lahan hakaꞌ hunu te teꞌ ayayo istiꞌ ha haꞌ chibꞌelwi;
chaqꞌni sat teꞌ yinh istiempohal, machi bꞌaqꞌinh chꞌay hona xaj teꞌ.
Sunil tzet chiswatxꞌe, kaw kꞌul chiꞌelikoj.c
4 Yaj mak chiwatxꞌen istxꞌojal, mach ako tuꞌ,
wal xin lahan mak tuꞌ hakaꞌ isqꞌalemal teꞌ chꞌim chiyijto jaqꞌeqꞌ.
5 Haꞌ mak kaw txꞌoj tuꞌ,
mach chiꞌilaxkanh xol isyaꞌtajil yet chilni Komam Dios yinh tzet chiꞌeliko anma;
mach chꞌok ebꞌnaj mulum tuꞌ xol makta chiwatxꞌen istoholal,
6 yuto Komam Jahawild yohta isbꞌeybꞌal makta chꞌekꞌ yinh istoholal,
wal makta txꞌoj isbꞌeybꞌal chitanhtzelaxiloj.