Yal naj Bildad tato mach chu yok naj winaj kꞌulal yul sat Komam Dios
25
Istaqꞌwi naj Bildad suhita, yalni naj hakaꞌ tiꞌ: 2 «Haꞌ Komam Dios yahawil yehi,
yebꞌ kaw ay ismay koxiw tet.
Komam chꞌaqꞌni aqꞌankꞌulal yul satkanh.
3 ¿Aymi mak yohta isbꞌisil ebꞌnaj ángel yet howal yul satkanh?
¿Aymi hunu mak tiꞌ bꞌay machi ay istzejlabꞌal Komam?
4 ¿Tzettaxka xin chu iskan naj winaj kꞌulal yul sat Komam Dios?
¿Tzettaxka chu issajbꞌikano yanma naj winaj pitzkꞌana yinh ix ix yul sat Komam?
5 Haꞌ yul sat Komam Dios machi tzejla ixahaw,
mach sajopaxo txꞌumel yul sat.
6 Hajxam ebꞌnaj winaj,
¿tom mach lahan ebꞌnaj yebꞌ yuninal hakaꞌ noꞌ nixhte tzojoy yul sat Komam?» xhi naj Bildad.