—Mach chehaj ispultahil konhobꞌ tiꞌ yet kaw sahabꞌ, wal xin hato yet chiqꞌaxnakanh yoj tzꞌayik katto hehajni, haxa yinh qꞌejbꞌiyal xin chepebꞌankano ispultahil tuꞌ kat heyanikaniko isqꞌanh yet aytoko ebꞌnaj chitanhen pulta tuꞌ, kinchihan tet ebꞌnaj.

Wanipaxikojan ebꞌnaj ay konhobꞌ Jerusalén tuꞌ istanheno konhobꞌ yinh istxolal, haxa ebꞌnaj ay yatut istiꞌla kꞌubꞌ, haꞌ ebꞌnaj ok tanheno kꞌubꞌ tuꞌ.

4 Yuto haꞌ konhobꞌ Jerusalén kaw nimajal yekoj, haywanhnhe xin anma, yuto maxhto chiwatxꞌelaxkanh teꞌ nha etaxnatoj.

5 Lahwi tuꞌ yaniko Komam Dios yinh innabꞌalan inkutxbꞌanikojan ebꞌnaj yahaw konhobꞌ, yebꞌ ebꞌnaj oficial yebꞌ konhobꞌ yu istzꞌunlax isbꞌi yul hum, hatatikꞌa yichmam. Yilchapaxo teꞌ hum bꞌay tzꞌibꞌnhebꞌilayo isbꞌi yichmam ebꞌnaj bꞌabꞌel meltzoti Jerusalén. Haꞌ yul hum tuꞌ tzꞌibꞌnhebꞌilayo hakaꞌ tiꞌ:^a

6 «Haꞌ tiꞌ istxolal ebꞌnaj Israel pitzkꞌa bꞌey Judá, ebꞌnaj ilaxto preso bꞌey Babilonia yu naj rey Nabucodonosor; haxa yet istzꞌajna istiempohal ye ebꞌnaj bꞌey Babilonia tuꞌ, ismeltzo ebꞌnaj bꞌey Jerusalén yebꞌ yulajla konhobꞌ sat txꞌotxꞌ Judá, haꞌ hunun mak tuꞌ haꞌtikꞌa yul iskonhobꞌ apni. 7 Haꞌ xin ebꞌnaj ok ijbꞌalomal yinh ebꞌnaj meltzo tuꞌ haꞌ ebꞌnaj tiꞌ: yaꞌ Zorobabel, naj Jesúa, yaꞌ Nehemías, naj Azarías, naj Raamías, naj Nahamani, yaꞌ Mardoqueo, naj Bilsán, naj Misperet, naj Bigvai, naj Nehum yebꞌ naj Baana.

»Haꞌ tiꞌ xin isbꞌisil ebꞌnaj Israel meltzo tuꞌ. 8 Ebꞌnaj titna yinh yuninal naj Paros, 2,172 ebꞌnaj. 9 Ebꞌnaj titna yinh yuninal naj Sefatías, 372 isbꞌisil ebꞌnaj. 10 Ebꞌnaj titna yinh yuninal naj Ara, 652 ebꞌnaj. 11 Ebꞌnaj Pahat-moab, haꞌ ton ebꞌnaj titna yinh yuninal naj Jesúa yebꞌ yinh naj Joab, 2,818 ebꞌnaj. 12 Ebꞌnaj titna yinh yuninal naj Elam, 1,254 ebꞌnaj. 13 Ebꞌnaj pohchakanh yinh yuninal naj Zatu, 845 ebꞌnaj. 14 Ebꞌnaj titna yinh yuninal naj Zacai, 760 ebꞌnaj. 15 Ebꞌnaj titna yinh naj Binúi, 648 ebꞌnaj. 16 Ebꞌnaj titna yinh yuninal naj Bebai, 628 ebꞌnaj. 17 Ebꞌnaj titna yinh yuninal naj Azgad 2,622 ebꞌnaj. 18 Ebꞌnaj pohchakanh yinh yuninal naj Adonicam 667 ebꞌnaj. 19 Ebꞌnaj titna yinh yuninal naj Bigvai, 2,067 ebꞌnaj. 20 Ebꞌnaj titna yinh yuninal naj Adín 655 ebꞌnaj. 21 Ebꞌnaj titna yinh yuninal naj Ater yebꞌ ebꞌnaj titna yinh yuninal naj Ezequías, 98 (waxajlahonhebꞌ ishokꞌal) ebꞌnaj. 22 Ebꞌnaj titna yinh yuninal naj Hasum, 328 ebꞌnaj. 23 Ebꞌnaj titna yinh yuninal naj Bezai, 324 ebꞌnaj. 24 Ebꞌnaj titna yinh yuninal naj Harif, 112 ebꞌnaj. 25 Ebꞌnaj titna yinh yuninal naj Gabaón, 95 (holahonhebꞌ ishokꞌal) ebꞌnaj.

26 »Ebꞌnaj titna yinh yuninal naj Belén yebꞌ naj Netofa, 188 ebꞌnaj. 27 Ebꞌnaj titna yinh yuninal naj Anatot, 128 ebꞌnaj. 28 Ebꞌnaj titna yinh yuninal naj Bet-azmavet 42 (kabꞌ yoxkꞌalwanh) ebꞌnaj. 29 Ebꞌnaj titna yinh yuninal naj Quiriat-jearim yebꞌ ebꞌnaj ah Cafira yebꞌ ah Beerot, 743 ebꞌnaj. 30 Ebꞌnaj ah Ramá yebꞌ ebꞌnaj ah Geba, 621 ebꞌnaj. 31 Ebꞌnaj ah Micmas, 122 ebꞌnaj. 32 Ebꞌnaj ah Bet-el yebꞌ ebꞌnaj ah Hai, 123 ebꞌnaj. 33 Ebꞌnaj ah Nebo huneꞌxa konhobꞌ, 52 (kabꞌlahonhebꞌ yoxkꞌalwanh) ebꞌnaj. 34 Ebꞌnaj ah Elam huneꞌxa konhobꞌ, 1,254 ebꞌnaj. 35 Ebꞌnaj ah Harim, 320 ebꞌnaj. 36 Ebꞌnaj ah Jericó, 345 ebꞌnaj. 37 Ebꞌnaj ah Lod, ah Hadid, yebꞌ ah Ono, 721 ebꞌnaj. 38 Ebꞌnaj titna yinh yuninal naj Senaa, 3,930 ebꞌnaj.

39 »Haxa ebꞌyaꞌ sacerdote haꞌ ebꞌyaꞌ tiꞌ: Ebꞌyaꞌ titna yinh yuninal yaꞌ Jedaías yinh yuninal yaꞌ Jesúa, 973 ebꞌnaj. 40 Ebꞌnaj titna yinh yuninal naj Imer, 1,052 ebꞌnaj. 41 Ebꞌnaj titna yinh yuninal naj Pasur 1,247 ebꞌnaj. 42 Ebꞌnaj titna yinh yuninal naj Harim, 1,017 ebꞌnaj.

43 »Haxa ebꞌnaj levita haꞌ ebꞌnaj tiꞌ; ebꞌnaj titna yinh yuninal naj Jesúa yebꞌ yinh naj Cadmiel yinh yuninal naj Hodavías, 74 (kanhlahonhebꞌ iskanhwinaj) ebꞌnaj.

44 »Ebꞌnaj bꞌitnom ebꞌnaj pohchakanh yinh yuninal yaꞌ Asaf, 148 ebꞌnaj.

45 »Haxa ebꞌnaj tanhem pulta, ebꞌnaj iskꞌahol naj Salum, ebꞌnaj iskꞌahol naj Ater, ebꞌnaj iskꞌahol naj Talmón, ebꞌnaj iskꞌahol naj Acub, ebꞌnaj iskꞌahol naj Hatita yebꞌ ebꞌnaj iskꞌahol naj Sobai, 138 ebꞌnaj.

46 »Ebꞌnaj chimunla yul Yatut Komam Dios, haꞌ ebꞌnaj tiꞌ: Ebꞌnaj iskꞌahol naj Ziha, ebꞌnaj iskꞌahol naj Hasufa, ebꞌnaj iskꞌahol naj Tabaot, 47 ebꞌnaj iskꞌahol naj Queros, ebꞌnaj iskꞌahol naj Siaha, ebꞌnaj iskꞌahol naj Padón, 48 ebꞌnaj iskꞌahol naj Lebana, ebꞌnaj iskꞌahol naj Hagaba, ebꞌnaj iskꞌahol naj Salmai, 49 ebꞌnaj iskꞌahol naj Hanán, ebꞌnaj iskꞌahol naj Gidel, ebꞌnaj iskꞌahol naj Gahar, 50 ebꞌnaj iskꞌahol naj Reaía, ebꞌnaj iskꞌahol naj Rezín, ebꞌnaj iskꞌahol naj Necoda, 51 ebꞌnaj iskꞌahol naj Gazam, ebꞌnaj iskꞌahol naj Uza, ebꞌnaj iskꞌahol naj Paseah, 52 ebꞌnaj iskꞌahol naj Besai, ebꞌnaj iskꞌahol naj Mehunim, ebꞌnaj iskꞌahol naj Nefisesim, 53 ebꞌnaj iskꞌahol naj Bacbuc, ebꞌnaj iskꞌahol naj Hacufa, ebꞌnaj iskꞌahol naj Harhur, 54 ebꞌnaj iskꞌahol naj Bazlut, ebꞌnaj iskꞌahol naj Mehída, ebꞌnaj iskꞌahol naj Harsa, 55 ebꞌnaj iskꞌahol naj Barcos, ebꞌnaj iskꞌahol naj Sísara, ebꞌnaj iskꞌahol naj Tema, 56 ebꞌnaj iskꞌahol naj Nezía, ebꞌnaj iskꞌahol naj Hatifa.

57 »Haxa ebꞌnaj iskꞌahol ischejabꞌ yaꞌ Salomón, haꞌ ton ebꞌnaj iskꞌahol naj Sotai, ebꞌnaj iskꞌahol naj Soferet, ebꞌnaj iskꞌahol naj Perida, 58 ebꞌnaj iskꞌahol naj Jaala, ebꞌnaj iskꞌahol naj Darcón, ebꞌnaj iskꞌahol naj Gidel, 59 ebꞌnaj iskꞌahol naj Sefatías, ebꞌnaj iskꞌahol naj Hatil, ebꞌnaj iskꞌahol naj Poqueret-hazebaim, ebꞌnaj iskꞌahol naj Amón.

60 »Haꞌ sunil ebꞌnaj chimunla yul Yatut Komam Dios yebꞌ ebꞌnaj ischejabꞌ yaꞌ Salomón 392 ebꞌnaj yinh sunil.

61 »Ay ebꞌnaj tiꞌ xin tit bꞌey Tel-mela, bꞌey Tel-harsa, bꞌey Querub, bꞌey Adón yebꞌ bꞌey Imer, ebꞌnaj tiꞌ mach isyelo isbꞌa mak bꞌay titna ebꞌnaj, yebꞌ tato ayto yu isbꞌa ebꞌnaj yebꞌ ebꞌnaj Israel. 62 Ebꞌnaj tuꞌ, haꞌ ton ebꞌnaj tiꞌ: Ebꞌnaj titna yinh yuninal naj Delaía, ebꞌnaj titna yinh yuninal naj Tobías yebꞌ ebꞌnaj titna yinh yuninal naj Necoda, 642 ebꞌnaj. 63 Haxa ebꞌnaj sacerdote, ebꞌnaj titna yinh yuninal naj Hobaía, ebꞌnaj titna yinh yuninal naj Cos, yebꞌ ebꞌnaj titna yinh yuninal naj Barzilai, naj Barzilai tuꞌ yiqꞌ naj iskutzꞌin naj Barzilai ah Galaad, yuxin Barzilai ok isbꞌiho ebꞌnaj. 64 Ebꞌnaj tuꞌ saylax isbꞌi ebꞌnaj yul hum yet ebꞌnaj ichmame, yajaꞌ xin mach ilcha isbꞌi ebꞌnaj, yuxin ilaxilo ebꞌnaj yinh sacerdotehal tuꞌ. 65 Yalni yaꞌ gobernador tet ebꞌnaj tato mach chislo ebꞌnaj tzet yet Komam Dios yehi, masanto yet chiꞌalaxiko hunteqꞌanxa ebꞌyaꞌ sacerdotehal yinh ismunil, kat isqꞌambꞌen ebꞌyaꞌ tet Komam Dios yu Urim yebꞌ Tumim.

66 »Haꞌ isbꞌisil anma tuꞌ, yinh sunil ay 42,360. 67 Nan xin yepaxo ebꞌnaj chejabꞌ yebꞌ ebꞌix chejabꞌ, haꞌ isbꞌisil ebꞌnaj chejabꞌ yebꞌ ebꞌix chejabꞌ tuꞌ 7,337 isbꞌisil, xol ebꞌnaj tuꞌ ay 245 ebꞌnaj bꞌitnom yebꞌ ebꞌix bꞌitnom. 68 Aypaxo 736 ischeh ebꞌnaj, yok xin 245 ismula ebꞌnaj. 69 435 noꞌ camello, yok 6,720 noꞌ burro.

70 »Ay xin haywanh ebꞌnaj iswiꞌehal xol yuxhta isbꞌa yaqꞌ isyebꞌalqꞌabꞌ okniko yinh munil watxꞌi. Wal yaꞌ gobernador yaqꞌ yaꞌ tet naj kꞌubꞌam melyu 16 (wajlahonhebꞌ) libra chꞌen oro, yok 50 (lahonh yoxkꞌal) nime sekꞌ, 530 xilqꞌape yet ebꞌyaꞌ sacerdote. 71 Ay xin hunteqꞌan ebꞌnaj iswiꞌehal xol yuxhtanhe isbꞌa aqꞌni tet naj kꞌubꞌam melyu, 337 libra chꞌen oro, 2,200 libra chꞌen plata.

72 »Haxa hunteqꞌanxa konhobꞌ xin aqꞌni 20 (hunkꞌal) mil dracma chꞌen oro, yok kabꞌ mil libra chꞌen plata yok 67 (hujebꞌ iskanhwinaj) xilqꞌape yet ebꞌyaꞌ sacerdote. 73 Ebꞌyaꞌ sacerdote tuꞌ yebꞌ ebꞌnaj levita, ebꞌnaj tanhem pulta, ebꞌnaj bꞌitnom, yebꞌ hunteqꞌanxa konhobꞌ yebꞌ ebꞌnaj chitanhen Yatut Komam Dios yebꞌ sunil Israel ehayo yul hunun iskonhobꞌ,» xhi yul hum tuꞌ.

Haxa yinh ishuj ixahaw sunil ebꞌnaj Israel ayxakꞌo ebꞌnaj yul hunun iskonhobꞌ.