2 Ebꞌnaj iskꞌahol yaꞌ Asaf, haꞌ ebꞌnaj tiꞌ; naj Zacur, naj José, naj Netanías, yebꞌ naj Asarela. Haꞌ yaꞌ Asaf, haꞌ chiꞌijbꞌan ebꞌnaj tuꞌ yalnilo Istzotiꞌ Komam Dios, yaj yalanh ischejbꞌanil yaꞌ rey David.

3 Haꞌ ebꞌnaj iskꞌahol naj Jedutún: haꞌ ton naj Gedalías, naj Zeri, naj Jesaías, naj Hasabías, naj Matatías, yebꞌ naj Simei. Haꞌ xin naj Jedutún ijbꞌalom yinh ebꞌnaj, haꞌ naj xin chalni Istzotiꞌ Komam Dios yet chaniko teꞌ arpa; chisbꞌitnhen naj Komam Jahawil.

4 Haꞌ ebꞌnaj iskꞌahol naj Hemán, haꞌ ebꞌnaj tiꞌ: Naj Buquías, naj Matanías, naj Uziel, naj Sebuel, naj Jeremot, naj Hananías, naj Hanani, naj Eliata, naj Gidalti, naj Romanti-ezer, naj Josbecasa, naj Maloti, naj Hotir, yebꞌ naj Mahaziot. 5 Sunil ebꞌnaj tiꞌ iskꞌahol naj Hemán. Haꞌ naj Hemán tuꞌ issacerdote yaꞌ rey David. Komam Dios aqꞌni kanhlahonhwanh iskꞌahol naj Hemán tuꞌ yok xin oxwanh iskutzꞌin. 6 Sunil ebꞌnaj tuꞌ, haꞌ naj Hemán ayko ijbꞌalomal yinh ebꞌnaj yinh bꞌit yul Yatut Komam Dios; chaniko ebꞌnaj chꞌen cimbalo, teꞌ salterio yebꞌ teꞌ arpa.

Yaꞌ Asaf, naj Jedutún yebꞌ naj Hemán, ayko ebꞌnaj yalanh ischejbꞌanil yaꞌ rey David. 7 Haꞌ xin isbꞌisil ebꞌnaj kuywina yinh yaniko bꞌit tet Komam yebꞌ iskꞌahol ebꞌnaj, 288 isbꞌisil ebꞌnaj, ebꞌnaj tuꞌ kaw helan ebꞌnaj yinh bꞌit.

8 Wal xin yayo ebꞌnaj suerte hak tuꞌ yu yok ebꞌnaj yinh istxolal yinh ismunil; ok ebꞌnaj ichamta winaj yebꞌ ebꞌnaj tzehtaj yebꞌ ebꞌnaj kuywawom yebꞌ ebꞌnaj lanhanto iskuywi.

9 Haꞌ bꞌabꞌel suerte apni yibꞌanh naj José, naj José tuꞌ yikꞌal yaꞌ Asaf ye naj. Haxa iskabꞌ suerte apni yibꞌanh naj Gedalías, haꞌ isbꞌisil huneꞌ majan ebꞌnaj yuxhtajnhe isbꞌa yebꞌ iskꞌahol naj Gedalías tuꞌ, 12 (kabꞌlahonhwanh) ebꞌnaj. 10 Haxa yox suerte apni yibꞌanh naj Zacur, haꞌ isbꞌisil ebꞌnaj iskꞌahol naj Zacur yebꞌ yuxhtaj naj 12 (kabꞌlahonhwanh) ebꞌnaj. 11 Haxa iskanh suerte apni yinh naj Izri, haꞌ isbꞌisil ebꞌnaj iskꞌahol naj Izri yebꞌ yuxhtaj. 12 Haxa ishoꞌ suerte apni yinh naj Netanías, haꞌ isbꞌisil ebꞌnaj iskꞌahol naj Netanías yebꞌ ebꞌnaj yuxhtaj 12 (kabꞌlahonhwanh) isbꞌisil ebꞌnaj. 13 Haxa iswaj suerte apni yibꞌanh naj Buquías, haꞌ isbꞌisil ebꞌnaj iskꞌahol naj Buquías yebꞌ ebꞌnaj yuxhtaj 12 (kabꞌlahonhwanh) ebꞌnaj. 14 Haxa ishuj suerte apni yinh naj Jesarela, haꞌ xin isbꞌisil iskꞌahol naj Jesarela tuꞌ yebꞌ yuxhtaj 12 (kabꞌlahonhwanh) ebꞌnaj. 15 Haxa iswaxaj suerte apni yibꞌanh naj Jesahías, haꞌ xin isbꞌisil ebꞌnaj iskꞌahol naj Jesahías tuꞌ yebꞌ yuxhtaj 12 (kabꞌlahonhwanh) ebꞌnaj. 16 Haxa isbꞌalonhebꞌ suerte apni yibꞌanh naj Matanías, haꞌ xin isbꞌisil ebꞌnaj iskꞌahol naj Matanías tuꞌ yebꞌ ebꞌnaj yuxhtaj, 12 kabꞌlanhwanh ebꞌnaj. 17 Haxa 10 (islahonhebꞌ) suerte apni yibꞌanh naj Simei, haꞌ xin isbꞌisil ebꞌnaj iskꞌahol naj Simea tuꞌ yebꞌ ebꞌnaj yuxhtaj, 12 (kabꞌlahonhwanh) ebꞌnaj. 18 Haxa 11 (ishunlahonhebꞌ) suerte apni yibꞌanh naj Azareel, haꞌ xin isbꞌisil ebꞌnaj iskꞌahol naj Azareel yebꞌ yuxhtaj, 12 (kabꞌlahonhwanh) ebꞌnaj. 19 Haxa 12 (iskabꞌlanhebꞌ) suerte apni yibꞌanh naj Hasabías, haꞌ xin isbꞌisil ebꞌnaj iskꞌahol naj Hasabías yebꞌ yuxhtaj, 12 (kabꞌlahonhwanh) ebꞌnaj. 20 Haxa 13 (yoxlahonhebꞌ) suerte apni yibꞌanh naj Subael yebꞌ iskꞌahol yebꞌ yuxhtaj, haꞌ xin isbꞌisil ebꞌnaj tuꞌ, 12 (kabꞌlanhwanh) ebꞌnaj. 21 Haxa 14 (iskanhlahonhebꞌ) suerte apni yibꞌanh naj Matatías yebꞌ ebꞌnaj iskꞌahol yebꞌ yuxhtaj, haꞌ xin isbꞌisil ebꞌnaj tuꞌ 12 (kabꞌlahonhwanh.) 22 Haxa 15 (isholahonhebꞌ) suerte apni yibꞌanh naj Jeremot yebꞌ ebꞌnaj iskꞌahol yebꞌ ebꞌnaj yuxhtaj naj, haꞌ xin isbꞌisil ebꞌnaj tuꞌ, 12 (kabꞌlahonhwanh) ebꞌnaj. 23 Haxa 16 (iswajlahonhebꞌ) suerte apni yibꞌanh naj Hananías, yebꞌ ebꞌnaj iskꞌahol yebꞌ ebꞌnaj yuxhtaj, haꞌ xin isbꞌisil ebꞌnaj tuꞌ, 12 (kabꞌlahonhwanh.) 24 Haxa 17 (ishujlahonhebꞌ) suerte apni yibꞌanh naj Josbecasa yebꞌ yibꞌanh iskꞌahol naj yebꞌ ebꞌnaj yuxhtaj. 25 Haxa 18 (iswaxajlahonhebꞌ) suerte apni yibꞌanh naj Hanani yebꞌ ebꞌnaj iskꞌahol yebꞌ ebꞌnaj yuxhtaj. 26 Haxa 19 (isbꞌalonhlahonhebꞌ) suerte apni yibꞌanh naj Maloti, yebꞌ ebꞌnaj iskꞌahol yebꞌ ebꞌnaj yuxhtaj. 27 Haxa 20 (ishunkꞌal) suerte apni yibꞌanh naj Eliata yebꞌ ebꞌnaj iskꞌahol yebꞌ ebꞌnaj yuxhtaj. 28 Haxa 21 (ishun iskawinaj) suerte apni yibꞌanh naj Hotir yebꞌ ebꞌnaj iskꞌahol yebꞌ ebꞌnaj yuxhtaj. 29 Haxa 22 (iskabꞌ iskawinaj) suerte apni yibꞌanh naj Gidalti yebꞌ ebꞌnaj iskꞌahol yebꞌ ebꞌnaj yuxhtaj naj, 12 (kabꞌlahonhwanh) ebꞌnaj. 30 Haxa 23 (isyox iskawinaj) suerte apni yibꞌanh naj Mahaziot yebꞌ yibꞌanh ebꞌnaj iskꞌahol naj yebꞌ ebꞌnaj yuxhtaj, 12 (kabꞌlahonhwanh) ebꞌnaj. 31 Haxa yinh 24 (iskanh iskawinaj) suerte apni yibꞌanh naj Romanti-ezer yebꞌ yibꞌanh ebꞌnaj iskꞌahol naj yebꞌ ebꞌnaj yuxhtaj, 12 (kabꞌlahonhwanh) ebꞌnaj.