3 Yalaxiko ebꞌyaꞌ sacerdote yinh hunun majan yinh ismunil yu yaꞌ David yebꞌ yaꞌ Sadoc yebꞌ yaꞌ Ahimelec; yaꞌ Sadoc tuꞌ, titna yaꞌ yinh yaꞌ Eleazar, haxa yaꞌ Ahimelec titna yaꞌ yinh naj Itamar. 4 Ebꞌnaj iskꞌahol yaꞌ Eleazar ekꞌbꞌal isbꞌisil ebꞌnaj iswiꞌehal xol ebꞌnaj, sata ebꞌnaj iskꞌahol naj Itamar, hak tiꞌ xin isbꞌisil hunun majan ebꞌnaj; ebꞌnaj iskꞌahol yaꞌ Eleazar 16 (wajlahonhwanh) ebꞌnaj mame, haxa ebꞌnaj iskꞌahol naj Itamar waxajwanh ebꞌnaj. 5 Yinh suertehal ischah hunun majan ebꞌnaj yok yinh ismunil Komam, yuto xol ebꞌnaj iskꞌahol yaꞌ Eleazar yebꞌ xol ebꞌnaj iskꞌahol naj Itamar ay ebꞌnaj ok iswiꞌehalo yinh munil yul Yatut Komam Dios. 6 Naj Semaías, iskꞌahol naj Natanael, naj levita, anayo isbꞌi ebꞌnaj tuꞌ sata yaꞌ rey David yebꞌ ebꞌnaj iswiꞌehal konhobꞌ, yebꞌ sata yaꞌ sacerdote Sadoc yebꞌ yaꞌ Ahimelec, iskꞌahol yaꞌ Abiatar, yebꞌ sata hunun ebꞌnaj iswiꞌehal yinh ebꞌyaꞌ sacerdote yebꞌ ebꞌnaj levita. Hatatikꞌa suerte ebꞌnaj, hak tuꞌ yu yok yinh istxolal, huneꞌ naj iswiꞌehal xol ebꞌnaj yikꞌal yaꞌ Eleazar, huneꞌxa xin naj iswiꞌehal xol ebꞌnaj yikꞌal naj Itamar. Yinh istxolal tuꞌ hak tuꞌ yu yok kabꞌ majan ebꞌnaj yinh ismunil yul Yatut Komam. 7 Haꞌ bꞌabꞌel suerte yinh yaꞌ Joiarib apni, haxa iskabꞌ suerte apni yinh naj Jedaías, 8 haxa yox suerte apni yinh naj Harim, haxa iskanh suerte apni yinh naj Seorim, 9 haxa ishoꞌ suerte apni yinh naj Malquías, haxa iswaj suerte apni yinh naj Mijamín, 10 haxa ishuj suerte apni yinh naj Cos, haxa iswaxajebꞌ suerte apni yinh naj Abías, 11 haxa isbꞌalonhebꞌ suerte apni yinh naj Jesúa, haxa 10 (islahonhebꞌ) suerte apni yinh naj Secanías, 12 haxa 11 (ishunlahonhebꞌ) suerte apni yinh naj Eliasib, 12 (iskabꞌlahonhebꞌ) suerte apni yinh naj Jaquim, 13 haxa 13 (yoxlahonhebꞌ) suerte apni yinh naj Hupa, haxa 14 (iskanhlahonhebꞌ) suerte apni yinh naj Jesebeab, 14 haxa 15 (isholahonhebꞌ) suerte apni yinh naj Bilga, haxa 16 (iswajlahonhebꞌ) suerte apni yinh naj Imer, 15 haxa 17 (ishujlahonhebꞌ) suerte apni yinh naj Hezir, haxa 18 (iswaxajlahonhebꞌ) suerte apni yinh naj Afses, 16 haxa 19 (isbꞌalonhlahonhebꞌ) suerte apni yinh naj Petaías, haxa 20 (hunkꞌal) suerte apni yinh naj Hezequiel, 17 haxa 21 (hun iskawinaj) suerte apni yinh naj Jaquín, haxa 22 (kabꞌ iskawinaj) suerte apni yinh naj Gamul, 18 haxa 23 (yoxebꞌ iskawinaj) suerte apni yinh naj Delaía, haxa 24 (kanhebꞌ iskawinaj) suerte apni yinh naj Maazías.

19 Hak tuꞌ yu yalaxiko ebꞌnaj yinh ismunil, yinh istxolal yul Yatut Komam Dios Jahawil hakaꞌtikꞌa yu ischejnikano Komam Jahawil, isDiosal Israel tet yaꞌ jichmam Aarón, haxa xin yaꞌ Aarón tuꞌ aqꞌni chejbꞌanile tet ebꞌnaj Israel.

20 Hak tiꞌ isbꞌi ebꞌnaj yahaw xol hunteqꞌanxa ebꞌnaj yikꞌal yaꞌ Leví hakaꞌ tiꞌ: Naj Subael, naj tiꞌ titna naj xol yikꞌal naj Amram, naj Jehedías, naj tiꞌ titna naj xol yikꞌal naj Subael. 21 Xol ebꞌnaj iskꞌahol naj Rehabías, naj Isías ok iswiꞌehaloj. 22 Xol ebꞌnaj izrahita naj Selomot ok yahawiloj; iskꞌahol naj xin, haꞌ ton naj Jahat. 23 Xol ebꞌnaj iskꞌahol naj Hebrón haꞌ ebꞌnaj tiꞌ: Naj Jerías, naj bꞌabꞌel yebꞌ xin yahawil yeko naj, naj Amarías naj iskabꞌ, naj Jahaziel, naj yox, naj Jecamán, naj iskanh. 24 Naj Micaía iskꞌahol naj Uziel, naj Samir iskꞌahol naj Micaía, 25 naj Isías, yuxhta naj Micaía, naj Zacarías iskꞌahol naj Isías, naj Zacarías. 26 Haꞌ ebꞌnaj iskꞌahol naj Merari, haꞌ ton naj Mahli yebꞌ naj Musi, haꞌ naj Beno iskꞌahol naj Jaazías. 27 Ebꞌnaj iskꞌahol naj Merari yu naj Jaazías haꞌ ton naj Beno, naj Soham, naj Zacur, yebꞌ naj Ibri. 28 Yebꞌ naj Mahli, yaꞌ Eleazar, haꞌ yaꞌ tiꞌ xin machi yuninal. 29 Iskꞌahol naj Cis, naj Jerameel. 30 Ebꞌnaj iskꞌahol naj Musi, naj Mahli, naj Edar yebꞌ naj Jerimot.

Haꞌ ebꞌnaj tiꞌ xin, levita ebꞌnaj, yuninal hunun ismam icham ebꞌnaj. 31 Ok ebꞌnaj yinh ismunil yinh suertehal hakaꞌ ebꞌnaj yuxhta ebꞌnaj, haꞌ ton ebꞌyaꞌ iskꞌahol yaꞌ Aarón. Yinh suerte tuꞌ ok ebꞌyaꞌ yinh ismunil sata yaꞌ rey David yebꞌ yaꞌ Sadoc, yebꞌ yaꞌ Ahimelec, yebꞌ ebꞌyaꞌ iswiꞌehal yinh ebꞌyaꞌ sacerdote yebꞌ ebꞌnaj levita. Lahan yu yalaxiko ebꞌnaj yahaw tuꞌ xol ebꞌnaj yuxhtaj, naj bꞌabꞌel winaj yebꞌ xol yuxhta naj islahobꞌal.