3 Iskutxbꞌaniko yaꞌ Moisés yebꞌ yaꞌ sacerdote Eleazar ebꞌnaj Israel sat huneꞌ akꞌal bꞌey txꞌotxꞌ Moab, istiꞌ haꞌ Jordán, satakꞌti konhobꞌ Jericó, yalni ebꞌnaj: 4 «Chebꞌis ebꞌnaj winaj ayxako yinh hunkꞌal habꞌil, yebꞌ ebꞌnaj ekꞌbꞌalxa ishabꞌil hakaꞌ yu yalni Komam Jahawil tet yaꞌ Moisés,» xhi ebꞌnaj.

Haꞌ ton ebꞌnaj Israel tiꞌ elnati bꞌey txꞌotxꞌ Egipto:

5 Yaꞌ Rubén, isbꞌabꞌel kꞌahol yaꞌ Israel. Haꞌ isbꞌabꞌel kꞌahol yaꞌ Rubén, haꞌ ton naj Enoc; yinh naj titna anma enoquita. Haꞌ naj iskabꞌ kꞌahol yaꞌ Rubén tuꞌ, haꞌ naj Falú, yinh naj titnakano anma Faluita. 6 Haxa naj yox kꞌahole tuꞌ, haꞌ naj Hezrón, yinh naj titnakano anma hezronita, haxa naj iskanh kꞌahole xin, haꞌ ton naj Carmi, yinh naj titnakano anma carmita. 7 Haꞌ xin isbꞌisil ebꞌnaj yikꞌal yaꞌ Rubén tuꞌ ay 43,730 isbꞌisil ebꞌnaj yinh sunil.

8 Haꞌ iskꞌahol naj Falú: haꞌ ton naj Eliab. 9 Haꞌ iskꞌahol naj Eliab, haꞌ ton ebꞌnaj tiꞌ: naj Nemuel, naj Datán yebꞌ naj Abiram. Haꞌ naj Abiram yebꞌ naj Datán tuꞌ iswiꞌehal konhobꞌ ye ebꞌnaj, haꞌ ebꞌnaj xin islahtiꞌnhe isbꞌa yebꞌ naj Coré, yaniko ebꞌnaj howal yinh Komam Dios yebꞌ yinh yaꞌ Moisés yebꞌ yinh yaꞌ Aarón. 10 Ishajni isbꞌa txꞌo txꞌotxꞌ, isto hopna txꞌotxꞌ yalanh ebꞌnaj kawanh tuꞌ yebꞌ naj Coré, iskam huneꞌ majan ebꞌnaj; istzꞌapaxto 250 ebꞌnaj yu qꞌa qꞌaꞌ. Yu huneꞌ hakaꞌ tuꞌ, yunhe yilnikano ebꞌnaj Israel huneꞌ tuꞌ. 11 Yajaꞌ wal iskꞌahol naj Coré ayto ebꞌnaj mach kami.

12 Haxa ebꞌnaj yikꞌal iskꞌahol yaꞌ Simeón, haꞌ ebꞌnaj tiꞌ chibꞌinahi: naj Nemuel, yinh naj titnakano anma nemuelita, naj Jamín yinh naj titnakano anma jaminita, naj Jaquín yinh naj titnakano anma jaquinita. 13 Naj Zera, yinh naj titnakano anma zeraíta, naj Saúl xin, yinh naj titnakano anma saulita. 14 Haꞌ xin isbꞌisil ebꞌnaj yikꞌal yaꞌ Simeón tuꞌ, ay 22,200 isbꞌisil ebꞌnaj yinh sunil.

15 Haxa ebꞌnaj titnakano yinh ebꞌnaj, iskꞌahol naj Gad, haꞌ ebꞌnaj tiꞌ chibꞌinahi: Naj Zefón, yinh naj titnakano anma zefonita. Naj Hagui, yinh naj titnakano anma haguita. Naj Suni, yinh naj titnakano anma sunita. 16 Naj Ozni, yinh naj titnakano anma oznita, naj Eri yinh naj titnakano anma erita. 17 Naj Arod, yinh naj titnakano anma arodita; naj Areli, yinh naj titnakano anma arelita. 18 Haꞌ xin isbꞌisil ebꞌnaj yikꞌal yinh yaꞌ Gad ay 40,500 isbꞌisil ebꞌnaj yinh sunil.

19 Haxa ebꞌnaj iskꞌahol yaꞌ Judá, naj Er yebꞌ naj Onán, kam ebꞌnaj bꞌey txꞌotxꞌ Canaán; 20 haxa ebꞌnaj titnakano yinh iskꞌahol yaꞌ Judá, haꞌ ebꞌnaj tiꞌ chibꞌinahi: naj Sela, yinh naj titnakano anma selaita; naj Fares, yinh naj titnakano anma faresita, naj Zera, yinh naj titna anma zeraíta. 21 Naj Hezrón, yinh naj titnakano anma hezronita, haxa naj Hamul, yinh naj titnakano anma hamulita. 22 Haꞌ xin isbꞌisil ebꞌnaj pohchakanh yinh yaꞌ Judá tuꞌ, ay 76,500 isbꞌisil ebꞌnaj yinh sunil.

23 Haxa ebꞌnaj titnakano yinh iskꞌahol yaꞌ Isacar, haꞌ ebꞌnaj tiꞌ chibꞌinahi: Naj Tola, yinh naj titna anma tolaita; naj Fúa, yinh naj titna anma funita. 24 Naj Jasub, yinh naj titna ebꞌnaj jasubita; naj Simrón, yinh naj titna ebꞌnaj simronita. 25 Haꞌ xin isbꞌisil ebꞌnaj yikꞌal yaꞌ Isacar, ay 74,300 isbꞌisil ebꞌnaj yinh sunil.

26 Haxa ebꞌnaj yikꞌal yinh ebꞌnaj iskꞌahol yaꞌ Zabulón, haꞌ ebꞌnaj tiꞌ chibꞌinahi: Naj Sered, yinh naj titna anma seredita. Naj Elón yinh naj titna anma elonita; haxa naj Jahleel, yinh naj pohchakanti anma jahleelita. 27 Haꞌ xin isbꞌisil ebꞌnaj pohchakanh yinh yaꞌ Zabulón, ay 60,500 isbꞌisil ebꞌnaj yinh sunil.

28 Haxa ebꞌnaj yikꞌal yinh iskꞌahol yaꞌ José, haꞌ ebꞌnaj tiꞌ chibꞌinahi: yaꞌ Manasés, yebꞌ yaꞌ Efraín. 29 Haxa ebꞌnaj iskꞌahol yaꞌ Manasés, haꞌ ton ebꞌnaj tiꞌ: Naj Maquir, yinh naj titna anma maquirita; naj Maquir, iskꞌahol naj Galaad ye naj. Yinh naj Galaad tuꞌ titna anma galaadita. 30 Haxa ebꞌnaj tiꞌ, iskꞌahol naj Galaad: Naj Jezer, yinh naj titna anma jezerita; haxa naj Helec, yinh naj titna anma helequita. 31 Haxa naj Asriel, yinh naj titna anma asrielita, haxa naj Siquem, yinh naj titnakano anma siquemita. 32 Haxa naj Semida, yinh naj titnakano anma semidaíta; haxa naj Hefer, yinh naj pohchakanokanh anma heferita. 33 Haxa naj Zelofehad iskꞌahol naj Hefer, machi iskꞌahol naj, wal xin ixnhe yuninal naj, hak tiꞌ isbꞌi ebꞌix hakaꞌ tiꞌ: Ix Maala, ix Noa, ix Hogla, ix Milca yebꞌ ix Tirsa. 34 Haxa ebꞌnaj titnakano yinh yaꞌ Manasés; ay 52,700 isbꞌisil ebꞌnaj yinh sunil.

35 Haxa ebꞌnaj pohchakanh yinh ebꞌnaj iskꞌahol yaꞌ Efraín, haꞌ ebꞌnaj tiꞌ chibꞌinahi: naj Sutela, yinh naj pohchakanh anma sutelaíta, haxa naj Bequer, yinh naj pohchakanh anma bequerita, haxa naj Tahán, yinh naj pohchakanh anma tahanita. 36 Haxa ebꞌnaj pohchakanh yinh naj Sutela; naj Erán, yinh naj pohchakanh anma eranita. 37 Haxa ebꞌnaj yikꞌal yinh yaꞌ Efraín, ay 32,500 isbꞌisil ebꞌnaj yinh sunil. Haꞌ ebꞌnaj tuꞌ, iskꞌahol yaꞌ José yinh hunun majan yuninal.

38 Haxa ebꞌnaj pohchakanh yinh iskꞌahol yaꞌ Benjamín, haꞌ ebꞌnaj tiꞌ chibꞌinahi: naj Bela, yinh naj pohchakanh anma belaíta; haꞌ naj Asbel, yinh naj pohchakanh anma asbelita. Haxa naj Ahiram, yinh naj pohchakanh anma ahiramita. 39 Haxa naj Sufam, yinh naj pohchakanh anma sufamita; haxa naj Hufam, yinh naj pohchakanh anma hufamita. 40 Haxa ebꞌnaj iskꞌahol naj Bela, haꞌ ebꞌnaj tiꞌ: Naj Ard yebꞌ naj Naamán. Yinh naj Ard pohchakanh anma ardita; haxa yinh naj Naamán, pohchakanh anma naamita. 41 Haxa ebꞌnaj pohchakanh yinh yaꞌ Benjamín tuꞌ, ay 45,600 isbꞌisil ebꞌnaj yinh sunil.

42 Haxa ebꞌnaj pohchakanh yinh naj iskꞌahol yaꞌ Dan, haꞌ naj tiꞌ chibꞌinahi: naj Súham, yinh naj pohchakanh anma suhamita. Haꞌ ebꞌnaj tiꞌ yuninal yuninal yaꞌ Dan yinh hunun majan yuninal. 43 Haꞌ ebꞌnaj pohchakanh yinh yaꞌ Dan tuꞌ, ay 64,400 yinh sunil.

44 Haxa ebꞌnaj pohchakanh yinh iskꞌahol yaꞌ Aser, haꞌ ebꞌnaj tiꞌ chibꞌinahi: naj Imna, yinh naj pohchakanh anma imnita; haxa naj Isúi, yinh naj pohchakanh anma isuita. Haxa naj Bería, yinh naj pohchakanh anma beriaíta. 45 Haxa iskꞌahol naj Bería, haꞌ ton ebꞌnaj tiꞌ: naj Heber, yinh naj Heber pohchakanh anma heberita. Haxa naj Malquiel, yinh naj pohchakanh anma malquielita. 46 Ay xin huneꞌ iskutzꞌin yaꞌ Aser chiyij Sera. 47 Haꞌ ebꞌnaj pohchakanh yinh yaꞌ Aser, ay 53,400 isbꞌisil ebꞌnaj yinh sunil.

48 Haxa ebꞌnaj pohchakanh yinh ebꞌnaj iskꞌahol yaꞌ Neftalí, haꞌ ebꞌnaj tiꞌ chibꞌinahi: naj Jahzeel, yinh naj pohchakanh anma jahzeelita. Haxa naj Guni, yinh naj titna anma gunita. 49 Naj Jezer, yinh naj pohchakanh anma jezerita. Haxa naj Silem, yinh naj pohchakanh anma silemita. 50 Haꞌ ebꞌnaj pohchakanh yinh yaꞌ Neftalí tuꞌ, ay 45,400 isbꞌisil ebꞌnaj yinh sunil.

51 Haꞌ xin isbꞌisil sunil ebꞌnaj winaj Israel tuꞌ, ay 601,730 isbꞌisil ebꞌnaj yinh sunil.

52 Lahwi tuꞌ, istzotel Komam Dios tet yaꞌ Moisés, yalni Komam: 53 «Hakaꞌtikꞌa isbꞌisil anma Israel, hak tuꞌ chu ispohlaxkanh txꞌotxꞌ. 54 Haꞌ hunmajan mak niman isbꞌisil, niman txꞌotxꞌ chischah; wal mak hanikꞌnhe isbꞌisil, hanikꞌnhe txꞌotxꞌ chischah. 55 Haꞌ yinh suertehal chiyiqꞌ ebꞌnaj yet. Chischah ebꞌnaj txꞌotxꞌ yajaꞌ hatatikꞌa isbꞌisil ebꞌnaj mame yinh hunun majan ebꞌnaj. 56 Hakaꞌtikꞌa issuertehal ebꞌnaj hak tuꞌ chu ispohlaxkanh txꞌotxꞌ yinh ebꞌnaj kaw aykanh isbꞌisil yebꞌ ebꞌnaj ayayti isbꞌisil,» xhi Komam.

57 Haꞌ anma titna yinh ebꞌnaj iskꞌahol yaꞌ Leví, haꞌ ebꞌnaj tiꞌ chibꞌinahi: yaꞌ Gersón, yinh yaꞌ titna anma gersonita; haxa naj Coat, yinh yaꞌ pohchakanh anma coatita, haxa naj Merari, yinh yaꞌ titna anma merarita. 58 Chibꞌinapaxo ebꞌnaj libnita, ebꞌnaj hebronita, ebꞌnaj mahlita, ebꞌnaj musita yebꞌ ebꞌnaj coreíta, hunun majan ebꞌnaj tiꞌ, yinh yaꞌ Leví pohchakanh ebꞌyaꞌ.

Naj Coat, haꞌ naj ismam naj Amram. 59 Naj Amram mohyi naj yebꞌ huneꞌ ix iskutzꞌin yuninal yaꞌ Leví, haꞌ ton ix Jocabed. Bꞌey Egipto pitzkꞌana ix. Yuninal naj Amram yebꞌ ix Jocabed, haꞌ ton yaꞌ Aarón, yaꞌ Moisés yebꞌ ix María. 60 Haxa ebꞌnaj iskꞌahol yaꞌ Aarón xin, haꞌ ebꞌnaj tiꞌ: naj Nadab, naj Abiú, yaꞌ Eleazar, yebꞌ naj Itamar. 61 Yajaꞌ wal naj Nadab yebꞌ naj Abiú, kam ebꞌnaj yuto yalte ebꞌnaj huneꞌ qꞌaꞌ tet Komam, mach xin halbꞌilo yu Komam.

62 Haꞌ xin isbꞌisil sunil ebꞌnaj winaj pohchakanh yinh yaꞌ Leví, ay 23 mil ebꞌnaj yinh sunil. Huneꞌ isbꞌisil tiꞌ, ichiko yinh ebꞌnaj huneꞌixto ixahaw ispitzkꞌahi. Haꞌ isbꞌisil ebꞌnaj tiꞌ, mach ok istzꞌajo yet Israelal ebꞌnaj, yuto machi txꞌotxꞌ ischah ebꞌnaj levita tuꞌ xol ebꞌnaj Israel.

63 Hak tiꞌ isbꞌisil sunil ebꞌnaj Israel yikanh yaꞌ Moisés yebꞌ yaꞌ sacerdote Eleazar sat akꞌal Moab, istiꞌla haꞌ Jordán, satakꞌti konhobꞌ Jericó. 64 Xol sunil ebꞌnaj winaj bꞌislax tiꞌ, matxa hunu ebꞌnaj bꞌislax yu yaꞌ Moisés yebꞌ yu yaꞌ sacerdote Aarón bꞌey txꞌotxꞌ desierto Sinaí. 65 Yuto haꞌ Komam halni tato haꞌ sat txꞌotxꞌ desierto tuꞌ chikamkano ebꞌnaj, machi xin hunu ebꞌnaj tuꞌ kani, kachannhe yaꞌ Caleb iskꞌahol naj Jefone yebꞌ yaꞌ Josué, iskꞌahol yaꞌ Nun machi kami.^a