2 Éniŋ te é ngá léreban,

bí yén yaá dɔ,

édɔ bía vé ngañiá ya ákat mína fwéñ ye éniŋ é ne mbéámbéá,

édí é mbé é tɔɔ́ ya Éséá,

é sɔ́ fe léreban ébe bía.

3 É dzam bí wók yaá ya áyén,

édɔ bía kat mína fwéñ,

ná mína míní belé fe elat bíabe mína.

Bébélá,

élat dea é ne bíabe Tará ya é Mwán weñ Yesukristo.

4 Bía tsili mína é mam má á mfá ye ná mésán mea mé tɔbɔ ndzálánn.

5 Éde é fwéñ ñí édɔ bí wók yaá ébe éñe,

édɔ fe bía kat mína,

ná Nzamá a ne Eyéá,

dzíbi enziŋ é sés ébe éñe.

6 Ngé bía dzó ná bí belé awókgán bíabe bɔ́,

ve bíí wulu á dzíbi été,

bía bɔ mineá;

bĭá wulu ki á bébélá été.

7 Ve,

ngé bía wulu éyéá été ané Émyen ñí a tɔɔ́ fe éyéá été,

bí belé awókgán bevɔ́ɔ́ ya ébá bevɔ́ɔ́,

éde mékií é Mwán weñ Yesus má má sop fe bía nsémm óse.

8 Ngé bía dzó ná bĭí belé nsémm,

bía duk bía bébyen,

bébélá ñí a sés ki ébe bía.

9 Ngé bía mem misémm myea,

a ne nzósoó ya éñí bá tɔbɔ ya ñí mebúnn,

á mfá ádzáma bía misémm ya ásop fe bía ekúkwát.

10 Ngé bía dzó ná bĭá bé bɔ nsémm,

bía bɔ ñí nkɔ́bɔ mineá,

éfíá Déñ dá é sés ki ébe bía.