Ma tsili é miningá a ne ntɔ́pbán é kálara ñí,

ya é bɔ́ŋŋ béñ ébá me belé bébélá edziŋŋ,

se fáve ma etámm,

ve ya fe ébá bésesé bé yem yaá bébélá,

2 ya akála é bébélá aa laŋan ébe bía,

aa ye fe tɔbɔ mbéámbéá ébe bía.

3 Mvɔmm,

nyénánn engóngɔ́ɔ́,

ya é mvwaá bí tɔbɔgé ébe bía,

á bébélá ya édziŋŋ été,

mfá Tará Nzamá bá Yesukristo é Mwán Éséá.

4 Me ngá bíra sán niané má koan ya é bɔ́ŋŋ bwe béé wulu á bébélá été,

amvála ané bí ngá ñɔŋ mvéná ébe Tará.

5 Éde éndagá,

á miningá,

ma dzaa wa,

se ané ma tsili wa mfefeñ mvéná,

fáve ná éñí bí mbelé atéé ye átáraga,

ná bí dziŋŋán bía ya bía.

6 Éde,

edziŋŋ édɔ dí,

ná bí wulu amvála ané mémvéná meñ mé né.

Mvéná édɔ ñí,

amvála ané míní ngá wók atéé ye átáraga,

ná míní wulu dɔ été.

7 Amú abwiññ beduk bot bé kúlu yaá é sí ñí,

ébá bé ne kaa ámem ná Yesukristo aá sɔ́ mot binam;

mot te éñe a ne nduk bot ya nsíŋ Kristo.

8 Tɔbɔgán nkée mína bébyen,

míní nza dzímle édí bí biñ yaá,

ve míní ñɔŋ máán mé tɔɔ́ ndzálánn.

9 É mot áse aa lés,

éñe kaa álaŋan áyágalé Kristo été,

ĕé belé Nzamá;

ve,

éñí aa laŋan áyágalé Kristo été,

mot te a belé Éséá bá Mwán.

10 Ngé mot enziŋ aa nzu ébe mína,

éñe kaa ásɔ́ ya áyágalé dí,

míní táa ñí ñɔŋ á ndá,

kaa ki ñí vé mbóló;

11 amú ná é mot aa vé ñí mbóló,

aa ñɔŋ ngap ébe mbéa mibɔann myeñ.

12 Me belé abwiññ mam mfá átsili mína,

ve măá kómo mína mɔ tsili ya afép ya nsɔŋ,

fáve ná,

ma yana ná me nzu ébe mína,

véa me kɔ́bɔ ya mína asú ya asú,

mfá ye ná mésán mea mé tɔbɔ ndzálánn.

13 É bɔ́ŋŋ é mwanñɔŋ a ne ntɔ́pbán,

bá sómo wa.