2
Édɔ ná,
míníí mana vea abé áse,
meduk mése,
mvoo,
miñamle míse ya nkɔ́bɔ abé óse,
2 ábíran kómo ñá meñáŋ méye éfíá,
amvála ané mikéŋlé mí bwán mí ndem byála á mfá ye ná,
ya émɔ míní vém mfá akoroga,
3 ngé míní kyak yaá ámvála añep Ntí a ne.
Ákwá é ne ntétéá
4 Éde míníí nzu ébe éñe,
ákwá é ne ntétéá,
afáŋbɔ ná bot bé ngá tep dɔ,
ve ósú Nzamá é ne ntɔ́pbán ya ábíra dɔ vé ngaŋŋ.
5 Mína fe,
amvála ané mékwá mé ne mitétéá,
tɔbɔgán nlóŋán ané ndá ye á nsísim mfá éséññ befára é ne ntélán eki,
ná bé vé metúnŋa méye á nsísim,
émá Nzamá aa yébe amú Yesukristo.
6 Édɔ ná,
é ne ntsilann ná,
“Dággán,
ma téle akwá á Sión,
Ntɔ́pbán ya ábíra dɔ vé ngaŋŋ,
Édí dá daŋ ya eban mélóŋ,
É mot aa ye ñí bwíni,
ăá ye wú osoán.”
7 Éde mfá wenan,
mína é bot mína bwíni,
é ne ya ededea eban;
ve mfá ébá bá bé ne kaa ábwíni,
“Akwá belóŋ bé ngá tep,
Dá é nzu yaá veŋan ákwá dá daŋ ya eban,”
8 Ya fe:
“Akwá dá kɔ́p obaá,
ya akóm bá sen áyóp.”
Bá kɔp obaá amú ná bá bɔ efíá melɔ́,
mfá dzam te édɔ fe bé ngá téle bɔ́.
9 Ve mína míní ne áyɔŋ é ne ntɔ́pbán,
nsámá béfára Kéza,
nnam ó ne ntélán eki,
é bot Nzamá mfá weñ,
ná amvála te,
míní kat biyágán bí mam éñí a ngá lwée mína ó dzíbi ósí,
ná míní ke é bora eyéá deñ été;
10 amú ná mína,
mínĭí mbé bot benziŋ,
ve éndagá míní ntɔɔ́ é bot Nzamá.
Ébá eé ndzí tára yén engóngɔ́ɔ́,
ve éndagá á ŋga yén yaá bɔ́ engóngɔ́ɔ́.
11 Á míndzindziŋŋ mí bot,
ma bíra mína lép amvála ané beyéŋ ya belot nzenn,
ná míní dzɔgɔ mbéa míkómánn mí bot,
émí myá lúman ya nsísim.
12 Tɔbɔgán amvála é ne mvéáñ,
énzénzaŋ bot béye meyɔŋ mefé,
á mfá ye ná ébe é mam bá sɔ́mán mína ya mɔ ané bembéa bé bot;
ya ákála é mbamba míbɔann myenan éyɔŋ bé ñú yaá myɔ táŋ,
bé vé Nzamá dúmá é mos aa ye nzu kík misaŋ.
Ábɔ bidzwée mewók
13 Kpáán bidzwée bíse bí ne é sí ñí ásí,
akála Ntí;
ané bɔ kéza,
a tɔɔ́ ané ndzwée,
14 ngé ki bengɔ́vina,
ébá bé ne milómán amú éñe,
á mfá ye ná é bot bá bɔ abé bé vé bɔ́ mekira,
ve ébá bá bá bɔ mvéáñ bé vé bɔ́ olugú.
15 Amú ná nkómánn Nzamá éwɔ wí:
míníí bɔ mvéáñ,
míní dzíp ménu midzímánn mí bot mí ne kaa fak;
16 míníí tɔɔ́ filí,
ve kaa ábelan ya etɔɔ́ filí denan ané ebúruga á mfá ábɔ abé,
fáve ná belagán ya dɔ ané áloá Nzamá.
17 Sémeŋán mot áse,
dziŋŋán bɔbéñɔŋ,
kɔgán Nzamá wɔŋŋ,
sémeŋán kéza.
É mam aloá dá yian bɔ
18 Á bébɔ biséññ béye á ndá,
kpáán bémása benan ásí ya ngaŋŋ ése;
se fáve ébá bé ne mvéáñ ya ébá bé ne añep,
fáve ná ya fe ébá bé ne bembéa bé bot.
19 Amú ná dzam te dá nzu ya mvɔmm,
ngé amú ósímánn ye á nlém ósú Nzamá mot aa dzíbi mam eé yén midzuúk ékúkwát été.
20 Akála ná,
nzá abúánn é ne été,
ngé mína dzíbi eyíra amú nsémm?
Ve,
ngé mína yén midzuúk amú ábɔ mvéáñ,
míníí dzíbi dɔ,
dzam te dá nzu ya mvɔmm ósú Nzamá.
21 Amú ná ya dzam te édɔ míní ngá lwéeban ya dɔ,
amú ná Kristo ñí a ngá dzuk fe ákála denan,
a lík efonann ná míní bee bíbɔ́gá mébɔ byeñ.
22 “Éñí eé ndzí bɔ nsémm,
meduk menziŋ má béé ndzí ki koan ya mɔ ánu deñ”;
23 Éñí é tám bé ngá tea ñí,
ñí eé ndzí yalan ya meteá;
é tám bé ngá ndágle ñí,
ñí eé ndzí bɔ elaŋ,
fáve ná a ngá kee dɔ ébe éñí aa kík misaŋ tételé;
24 Émyen éñe a ngá ke ya mísémm myea é ñúu deñ á krús,
á mfá ye ná bí wú ébe mísémm myea,
bí niŋ tételé éniŋ;
amú ná míní ngá séñban ya mévéŋŋ meñ.
25 Amú ná míní mbé amvála ané mítómá mí dzími yaá nzenn,
ve,
éndagá míní búlán yaá ébe Nkálá mitómá ya Ntébosú wenan.