Ma tsili ébá bé tɔɔ́ beyéŋ ya myeann á Ponto,

á Galasia,

á Kapadosia,

Ásia,

ya á Bitinia,

2 mitɔ́pbán amvála ané Nzamá Éséá a ngá tára yem,

ébe ntélán eki ye á Nsísim,

mfá ábɔ mewók ya ábɔ myamann ya mekií Yesukristo:

Mvɔmm ya mvwaá bí bera mína kɔgle.

3 Olugú ó bɔɔ́ge ya Nzamá,

Éséá Ntí wea Yesukristo,

éñí,

amvála ané abwiññ nyénánn engóngɔ́ɔ́ weñ ó ne,

a ngá bɔ bía ná bí bera byála ná bí belé óyan ó ne ntétéá amú nwómán miwúán Yesukristo,

4 mfá áñɔŋ tsígá e ne kaa ábweñ,

kaa mvin,

ngé ki kaa mana,

éñí bé nii yaá á dzóp été mfá wenan,

5 mína é bot míní ne mbaalann ya é nguu Nzamá amú mbwínánn,

mfá ákoroga é ntɔɔ́ yaá nkomann ná wá ye yéne é tám da súgan.

6 Dzam te édɔ mína bíra sán ya dɔ,

ngé dá yian ná,

atwaa áwola dí,

avítsaŋ tám,

míníí yén midzuúk ya mebóblé memvála ya memvála,

7 á mfá ye ná nkyabán míkat ye á mbwínánn wenan,

é dzóm dá daŋ ye eban álot koŋ éñí dá wú ntuk,

atwaa bá kyak wɔ́ ya ndúán,

ná bé koan ya wɔ́ ya olugú,

ngaŋŋ ya dúmá éyɔŋ Yesukristo aa ye váma.

8 Éñí mína dziŋ kaa ná míní yén yaá ñí,

éñí mínĭí téa,

ve mína bwíni ñí,

mína sán ya mésán bé sés kúlu ánu,

mé tɔɔ́ fe ya dúmá,

9 míníí wún asúgánn ye mbwínánn wenan,

dá yíli ná,

ákoroga denan.

10 Mfá akoroga te,

bekúlu medzó bé ngá kúlu medzó ébe mvɔmm e ne ntélán mfá wenan,

bé ngá fas ya átúga dzéŋ,

11 béé bíli mot mbé,

ngé tám fé Nsísim Kristo ó ngá lére bɔ́ été,

éwí ó ngá tára vé ngañiá ye mídzuúk Kristo ya é dúmá dá belan véa.

12 Ébɔ́ é ngá léreban ébe bɔ́ ná,

é sés éedeba,

ve éedea,

mfá é mam bé ŋga kat ya bía mbamba fwéñ éndagá ya nguu Mfúfúp Nsísim a ngá sɔ́ á dzóp;

émá baángel bá ñamle ná bé yén.

13 Édɔ ná,

télegán ásímánn denan nkomann,

tɔbɔgán ya kén,

belégán mebúnn menan mése ébe é mvɔmm e ne mína mvéán éyɔŋ Yesukristo aa ye váma.

14 Amvála ané é bwán bé ne mewók,

míní táa yébe míkómánn míní ngá tára belé míní tɔɔ́ á ndzímán wenan été;

15 fáve ná,

amvála ané éñí a ngá lwée mína ñí a ne eki,

mína tɔbɔgán fe eki amvála étɔɔ́ denan áse;

16 amú é ne ntsilann ná:

“Tɔbɔgán eki,

amú ná Me ne Eki.”

17 Ngé mína yónán ya éñí a ne Éséá,

éñí aa kík misaŋ kaa áke ya mot enziŋ ngamm,

amvála ané mbɔann kada mot ó ne,

edé tɔbɔgán á wɔŋŋ été ébe é tám míní ngén mína wulu á sí ó vá;

18 míníí yem ná míníí ndzí koroban ya é byém byá bweñ,

ané ngoós ngé ki koŋ,

ébe ámvála nzeze eniŋ denan,

éñí míní ngá ñɔŋ tsígá ébe beésúá.

19 Fáve ná,

ya mekií mé ne táŋ ndén,

ané émá é mwann ntómá a ne kaa eyém,

kaa ki ya meyeŋŋ,

Kristo.

20 Ve déá,

éñí bé ngá tára yem,

kaa ná eniŋ é téñban,

ve métám méye ásúgánn má,

a sɔ́ yaá yéne ákála denan.

21 Mína é bot mína bwíni Nzamá ya ákála Déñ,

ná Nzamá aá wómo ñí míwúán été,

éde a ngá vé ñí dúmá,

á mfá ye ná óyan wenan ya mbwínánn wenan bí tɔbɔ ébe Nzamá.

22 Éde éyɔŋ mína bɔ bébélá mewók,

míní tun yaá mína bébyen,

mfá édziŋŋ bɔbéñaŋ é ne kaa meduk;

dziŋŋán bevɔ́ɔ́ ya ébá bevɔ́ɔ́ ya édziŋŋ bɔbéñafwáa dá sɔ́ fe á nlém ósí.

23 Míníí ndzí bera byála mfefeñ mbyálánn ye é mvɔŋ dá bweñ,

fáve ná éñí e ne kaa ábweñ;

amú éfíá Nzamá é ne ntétéá é tɔɔ́ fe mbéámbéá.

24 Édɔ ná,

Édɔ ná,

éfíá te édɔ dá bé ngá kat mína ya dɔ mbamba fwéñ.