Kaa ábɔ obea ngamm
2
É bɔbédzaŋ bam,
míní táa bɔ obea ngamm á mbwínánn wenan ébe Ntí wea ye á dúmá,
Yesukristo.
2 Amú ná,
ngé ébe ékóánn denan mot enziŋ aa ñíi a baga elwaná koŋ,
a baga fe bítóp bí ne ededea mvéáñ,
véa,
ntétéññ mot wá ó ñíi fe ya atutuga bítóp.
3 Eyɔŋ te,
mína míní ŋga túga yem ádága é mot a baga bítóp bí ne ededea mvéáñ,
míníí dzó ñí ná,
“Á wa,
tɔbɔgé ósí vá,
é vóm a ne mvéáñ.”
Ve ntétéññ mot wa míní dzó ná,
“Á wa,
tébegé ólwí,
ngé ki ná tɔbɔgé ósí metsɔɔ́.”
4 Nde mína bébyen mínăá bɔ yaá obea ngamm énzénzaŋ denan,
míníí ntɔɔ́ fe bekík misaŋ ya bembéa bé atémŋa?
5 Á mindzindziŋŋ mí bɔbédzaŋ myam!
Béágán!
Nde Nzamá é ndzí tɔ́p mitétéññ mí bot míye éniŋ dzí,
á mfá ye ná bé bɔ mikúkúmm á mbwínánn ya fe beñɔŋ tsígá béye édzwée ngɔ́mán a ngá kyaa é bot bá dziŋ ñí?
6 Ve mína míní lére yaá ntétéññ mot osoán.
Nde se mikúkúmm émyɔ myá tsíble mína,
émyɔ fe myá ke myá dulu mína é vóm bá kík misaŋ?
7 Nde se ébɔ́ bá byana é mbamba eyola bé lwée yaá mína ya dɔ?
8 Ve ngé mína mína dzálá atsiŋŋ ye édzwée ngɔ́mán,
ámvála Ntsili wa dzó ná,
“Wa ye dziŋ é mot mbɔ́ɔ́ ané wa dziŋ wámyen,”
mína bɔ mvéáñ.
9 Ve ngé mína mína tsígán,
mína bɔ nsémm;
nkɔɔ́ métsiŋŋ wá bwaale mína ná míní ne betsam metsiŋŋ.
10 Amú ná é mot áse aa baale nkɔɔ́ métsiŋŋ óse,
ve a kɔp atsiŋŋ avɔ́ɔ́,
a ntɔɔ́ ya meku ébe nkɔɔ́ métsiŋŋ ngúrá.
11 Amú éñí a ngá dzó ná,
“O táa bɔ medzíán,”
éñe fe aá dzó ná,
“O táa ywíñ mot.”
Éde,
ngé wăá bɔ medzíán,
ve weé ywíñ bot,
ó ntɔɔ́ ntsam nkɔɔ́ metsiŋŋ.
12 Ya dzam te édɔ,
kɔ́bɔgán,
bɔgán fe amvála ané é bot bé nkún ñɔŋ nkíkgán misaŋ ébe nkɔɔ́ métsiŋŋ wá vé étɔɔ́ filí.
13 Amú ná nkíkgán misaŋ kaa engóngɔ́ɔ́ wá ye bɔban ébe éñí é ndzí lére bot engóngɔ́ɔ́.
Nléránn engóngɔ́ɔ́ éwɔ wá dzwée á nkíkgán misaŋ.
Mbwínánn ya mibɔann
14 É bɔbédzaŋ bam,
é ne ya nzá eban ná,
ngé mot enziŋ aa dzó ná a belé mbwínánn,
ve kaa ábelé mibɔann,
ye mbwínánn te ó ne ñí koro?
15 Ngé mwadzaŋ enziŋ ngé ki kéá dzea enziŋ bá bé ne kaa bitóp,
kaa ki ya é dzóm ye bé ne dzí kada mos,
16 véa,
mot enziŋ ye ébe mína ñí á ŋga dzó bɔ́ ná,
“Keŋán mvwaá,
wókgán ayóŋ,
dzéñŋán fe ya bidzí,”
ve mína kaa bɔ́ ávé é dzóm bá yi á mfá é ñúu deba.
É ne ya nzá eban?
17 Ntéññ mbɔ́ɔ́ fe,
mbwínánn etámm,
ngé ó sés ya mibɔann,
ó ne nwúán.
18 Ve,
mot enziŋ aa ye dzó ná,
“O belé mbwínánn,
ve ma me belé mibɔann.
Léregé ma mbwínánn we,
kaa mibɔann,
éde ma ma ye wa lére mbwínánn wɔm ébe míbɔann myam.”
19 Wa bwíni ná Nzamá a ne mbɔ́ɔ́.
Wa bɔ mvéáñ.
Atwaa bembéa misísim bá bá bwíni fe dɔ,
béé ku fe beñeñeá.
20 Ve,
ókúkút mot,
ye wa kómo yem ná mbwínánn kaa mibɔann ó ntɔɔ́ nwúán?
21 Nde se ya mibɔann émyɔ éséá wea Abraam bé ngá láŋ ñí ya myɔ nzósoó,
éyɔŋ a ngá vé é mwán weñ Isaak áltar ané metúnŋa?
22 Yénŋe véa ná,
mbwínánn waá ke fufúlu ya míbɔann myeñ,
ané édí bá sóŋ ya mbwínánn dá é súgan fe dzálában ákála mibɔann.
23 Éde Ntsili o ngá dzálában,
éwí wa dzó ná,
“Abraam aá bwíni Nzamá,
éde baá láŋ ñí dɔ ané nzósoó,
bé lwée fe ñí ná é mvwíññ Nzamá.
24 Mína yén véa ná,
bá láŋ mot ané nzósoó ákála mibɔann,
se fáve ya mbwínánn etámm.
25 Amvála te fe,
nde se ákála mibɔann édɔ,
bé ngá láŋ ya dɔ,
endendea miningá Raab ané nzósoó,
éyɔŋ a ngá ñɔŋ mílómán Nzamá,
á lóm fe myɔ nzenn fé?
26 Amú ná amvála ané é ñúu é ne kaa nsísim e ne nwúán,
amvála te édɔ,
mbwínánn ó ne kaa mibɔann wá ó ne fe nwúán.