Áŋgónó abé ye métám má súgan
3
Ve wa yian yem é dzam dí ná,
mélú má súgan má,
metám mé ne áŋgónó má ye sian.
2 Akála ná bot bá ye bɔ ná bá dziŋ bébyen,
bedziŋŋ moann,
bebɔ benzeze mevágá,
bebɔ bingúŋ,
bebyana bot,
bebɔ melɔ́ ébe beéséá,
be kaa áláŋ mbeŋ,
be kaa ngaŋŋ,
3 be kaa eñúñuŋŋ,
be kaa kómo awókgán,
be boro bot mam,
be kaa ádzwée nlém,
mingéngét,
bevíni mvéáñ,
4 bekuan bot,
be kaa átára tém,
betɔbɔ ndzálánn ya engúŋ,
bedziŋŋ bivéé bé lígi ádziŋ Nzamá.
5 Bá lére ná bé dzálá mbamba nyébé,
ve bá béé kat nguu nyébé te.
Lúmŋe memvála mé bot méte mvús.
6 Amú ná ébá béte bé ne é bot bá duman mendá,
béé ke ya ábíbiningá é ne ndzálánn ya misémm á mikómm.
Biningá béte bivéé mendzaŋ ya mendzaŋ byá dzwée bɔ́,
7 bá yága tám áse,
ve bá kaa kwíñ tám enziŋ á nyemann bébélá.
8 Ntéññ mbɔ́ɔ́ ané Janes bá Jambres bé ngá tébe Moisés á ngamm áyát,
amvála te fe ébá béte bé tébe yaá bébélá ngamm áyát;
é bot osímánn ó mana yaá wú ntuk.
Éde,
á mfá mbwínánn bé ku yaá.
9 Ve băá ye bera ke ósú,
akála ná ndzímán weba wá ye léreban éyéá été ósú bot bése,
amvála ané dá é ngá bɔban fe ya bot béte.
Ndzéŋán bot ásí ákála mbwínánn
10 Ve wá o túga yaá bee áyágalé dam,
ya éniŋ dzam,
ya ntélán mam wɔm,
ya mbwínánn wɔm,
ya édzíp dam,
ya edziŋŋ dam,
ya ánzomo dam,
11 ndzéŋán ásí,
ya midzuúk myam,
amvála ané ébí me ngá yén Ántiokia,
ya Íkonio,
ya á Listra.
Ámvála ndzéŋán ásí te ma me ngá nzomo dɔ!
Éde ébe ásesé te,
Ntí éñe a ngá koro ma.
12 Ve é bot bése bá kómo niŋ eniŋ nkaŋaŋŋ ébe Kristo Yesus,
bá ye dzuk ye ná bá dzéŋ bɔ́ ásí.
13 Ve bembéa bé bot,
ya beduk bot,
bá ye keéke ósú bá duman abé été,
béé duk é bot bevɔ́ɔ́,
bébyen bá béé dukbán fe.
Éban kálara Nzamá á ne ya dɔ
14 Ve wa tɔbɔgé é mam o yága yaá été,
o yébe yaá fe mɔ mvéáñ,
weé yem ébe nzá ó ngá ñɔŋ ayágalé.
15 Ya ná,
ásɔ́ ye á mɔ́ŋŋ,
o yem yaá Mitsili mí ne eki,
émí mí ne wa vé é kén dá ke ya wa ákoroga ákála mbwínánn ébe Kristo Yesus.
16 Ntsili óse ó ne évúŋ dá sɔ́ ébe Nzamá,
ó ne fe ya eban á mfá ávé ayágalé,
á mfá ávé mbámm,
á mfá ásóŋán,
á mfá áyála mot ya melépgá á nzósoó été,
17 á mfá ye ná é mot Nzamá á tɔbɔ nkɔkgán ya fe nkomann á mfá mbamba mbɔann óse.