3 Ma vé Nzamá akíba meé síman wa kaa ásim omos ye alú á meyaglán mam été.

Éñe ma séan ya ñí ya osímánn mfúbánn amvála ané bímvámvámm byam byá bí ngá bɔ fe dɔ,

4 meé bíra wa kómo yén á mfá ye ná me tɔbɔ ndzálánn ya mesán,

éyɔŋ ma síman é míige mwe;

5 meé síman é mbwínánn ó ne kaa meduk ó ne ébe wa,

éwí a ngá tára tɔbɔ ósúsúá ébe éñe mvám Loida,

ya ébe ñuá Ewunise;

me tɔɔ́ ya mebúnn ná,

ébe wa fe ntéññ mbɔ́ɔ́.

6 Dzam te édɔ,

ma vé wa osímánn ná ó bera bwaa é ndúán é dás Nzamá é ne ébe wa,

éñí o ngá ñɔŋ ákála mbélánn é mó mam.

7 Amú ná Nzamá eé ndzí bía vé Nsísim áyeña,

fáve éwí ye á nguu,

ya édziŋŋ,

ya fe ádzwée osímánn.

8 Éde,

o táa wók é ngañiá Ntí wea osoán,

ngé ki ma,

é mwann mbok weñ;

fáve ná,

wa ñɔŋŋe fe ngap bía wa ébe nyénánn bindáglé ákála mbamba fwéñ,

amvála ané é nguu Nzamá é ne,

9 éñe a koro yaá bía,

a lwée yaá fe bía ya ékígá é ne eki,

se ya mibɔann myea,

fáve amú ntélán mam weñ ya mvɔmm,

ébí bé ngá vé bía ébe Kristo Yesus kaa ná mvelann byém ó bɔ.

10 Édɔ éndagá,

é léreban yaá ya ásian nkoro wea Kristo Yesus,

éñí a ngá tsam awú,

véa a kúlu eniŋ éyéá été,

étɔɔ́ ñúu é ne kaa ábweñ ákála mbamba fwéñ.

11 Édí te édɔ,

bé ngá téle ma nkat fwéñ,

ya apostol ya fe nyágale.

12 Akála te édɔ fe má dzuk ya mam méte,

ve măá wók osoán,

amú ná ma yem nzá me bwíni yaá,

me tɔɔ́ fe ya mebúnn ná a ne nguu ye ábaale ntam wɔm akekwíñ mos te.

13 Beegé ámvála efonann bebébélá meyágalé o ngá ñɔŋ ébe ma,

ya mbwínánn,

ya édziŋŋ été ébe Kristo Yesus.

14 Baalé é mbamba ntam bé kee yaá wa ákála Mfúfúp Nsísim a tɔɔ́ ébe bía.

15 O yem yaá édí ná,

é bot bése bé ne Asia bé mana yaá ma álama,

ébɔ́ bé ne Figelo bá Ermogenes.

16 Ntí á yénŋe é ndá bot Onesíforo engóngɔ́ɔ́,

amú ná abwiññ biyɔŋ a ngá bɔ eé vé ma nguu,

eé ndzí ki wók étɔɔ́ mwann mbok dam osoán,

17 fáve ná,

ñí a tɔɔ́ á Roma,

a ngá bíra ma dzéŋ,

a koan fe ya ma.

18 Ntí á líkge ná á koan nyénánn engóngɔ́ɔ́ ébe mos te.

Wa wa túga fe yem ámvála a ngá belan ya ma abwiññ bíyɔŋ Éfeso.