6
Ébá bése bé ne á mvaba ye étɔɔ́ oloá ásí,
bé ñɔŋŋe bémása beba ná bá ñep ya ngaŋŋ ése;
é nza bɔ ná,
átára éyola ya áyágalé Nzamá bé ŋga byana byɔ.
2 Ébá bá bé belé fe bémása bébwíni,
bé táa bɔ́ ñɔŋ ané abobot akála ná bé ntɔɔ́ bɔbéñaŋ,
ve fáve ná bé bíragá séan ya bɔ́,
akála ná bé ne bebwíni ya míndzindziŋŋ míye mí ŋga ñɔŋ yaá abúánn ye é wéá éséññ weba.
Mbéa abúánn ya mbamba abúánn
É mam má émɔ vá ayágalé ya melépgá.
3 Ngé mot enziŋ aa vé áyágalé afé dá selan,
ñí kaa ávakgan ya bebébélá bífíá,
ébí Ntí wea Yesukristo,
ya ébe áyágalé é ne ya bébélá nkaŋaŋŋ;
4 éñí te a ntɔɔ́ ndzálánn ya engúŋ,
ăá yem dzam enziŋ;
fáve ná a ntɔɔ́ nwúán ntuk ya bisó ya fe bífíá mitéé;
été éñe evínn dá byála,
ya metsamann,
ya meteá,
ya mbéa bíveŋveŋa,
5 ya mitéé mí ne kaa kígi,
émí é bot miló mí wú yaá ntuk,
ébá bébélá a ne kɔɔ́ ébe bɔ́,
bá ñɔŋ fe nyébé ná ó ne é dzóm bá ñɔŋ ya dɔ abúánn;
[kólogé amvála mam méte été].
6 Ve mbamba nyébé ñí a ne fá dzóm ye á mora abúánn,
á mfá é mot a tɔɔ́ mvwaá ya ábímm a belé.
7 Amú ná bíí ndzí sɔ́ ya dzóm enziŋ éniŋ dzí,
édɔ ná bí sés ki vea dzóm enziŋ été.
8 Édɔ ná,
ngé bí belé é dzóm bía dzí ya fe é dzóm bía bwát,
ya édí te,
bí tɔbɔgé ya mesán.
9 Ve ébá bá bá kómo bɔ mikúkúmm,
bá ku mébóblé été,
ya melám été,
ya ábwiññ akúkút ya baáŋgónó miñamle été,
émí myá ke myá dulu bot édwá ye áwú été,
ya á ntsamann.
10 Akála ná edziŋŋ moann édɔ é ne tsín ye mebé mése,
édí bot benziŋ béé ñamle,
bé mana yaá lés á mbwínánn été,
bé mana yaá fe bábá bébyen ya abwiññ bindáglé.
Mélépgá mefé
11 Ve,
á wa é mot Nzamá,
túpge mam méte;
véa,
beegé nzósoó ómvús,
ya nkaŋaŋŋ Nzamá,
ya mbwínánn,
ya edziŋŋ,
ya edzíp,
ya fe nsilann ñúu ósí.
12 Bɔɔ́ge bembamba meyítán béye á mbwínánn;
bíñŋe éniŋ é ne mbéámbéá bé ngá lwée wa ya dɔ,
dzam te fe wa o ngá yem dɔ átúga mem ébe ású abwiññ bengañiá.
13 Ású é Nzamá aa vé byém bíse eniŋ,
ya Kristo Yesus éñí a ngá vé mbamba ngañiá ású Ponsio Pilato,
ma mánan wa ná,
14 ó baale atsiŋŋ,
kaa ayeŋŋ,
kaa ki ya bidzo,
akekwíñ ásian Ntí wea Yesukristo,
15 éñí éyɔŋ é tám da yian é kwíñ yaá,
aa ye kúlu éndendaŋ éñí etámm á ne Ewólo Ndzwée,
Kéza ye á bekéza,
ya Ntí ye á bedzwée;
16 éñí etámm a belé éniŋ é ne kaa áwú,
a tɔɔ́ éyéá mot enziŋ a sés yit bebeñ;
éñí,
mot enziŋ ăá bé yén,
a sés ki yén.
Éñe á tɔbɔgé ya ngaŋŋ ya mbéámbéá ekán.
Amén.
Mélépgá ébe mikúkúmm
17 Á mfá mikúkúmm míye é tám ñí,
vá bɔ́ ayágalé ná bé táa bɔ mikanŋa,
bé táa ki tɔbɔ ya mebúnn ébe ákúmm ye dá dăá tɔbɔ tɔbɔ ki,
ve fáve ébe Nzamá,
éñe fe aa dzálá bía ya byém bíse byéé fwíige,
á mfá ye ná bía bí yén fe mvéáñ;
18 béé bɔ esós,
bé bɔɔ́ge mikúkúmm míye bembamba míbɔann,
bé bɔɔ́ge akap,
bé téle fáve esomm ya esomm á mfá ye ávé ya esós;
19 béé kóán á mfá weba bébyen,
mbamba mbókga ébe é tám é nkún nzu,
ná bé biñ édí é ne ñá mfaŋ eniŋ.
20 Á Timoteo,
baale ntam bé ngá kee wa,
weé sáale nkɔ́bán túga ya nzeze nkɔ́bɔ ya biyɔ́ŋ mekéá bíye édí bá lwée ná nyemann mam;
21 ébe édí te,
bevɔ́ɔ́ enziŋ éñe béé kɔ́bɔ néa,
éde bé ngá lés á mbwínánn été.
Mvɔmm é tɔbɔgé ya mína.