3 Á bɔbédzaŋ,

bía yian vé Nzamá akíba tám áse á mfá wenan ámvála é ne nzósoó,

amú ná mbwínánn wenan wá bíra vém,

ya fe édziŋŋ kada mot mbɔ́ɔ́ ya mbɔ́ɔ́ ye ébe mína á mfá é bot bevɔ́ɔ́ dá dá fwíige fe;

4 ya akekwíñ ná bía bébyen bía kɔ́bɔ ya engúŋ á mfá wenan ébe bíkóánn bebwíni Nzamá,

ákála mbán wenan ya mbwínánn ébe ádzéŋ áse bá dzéŋ mína ásí ya mídzuúk mína nzomo.

5 Édí te é ne ndem ye éndendaŋ ébe é nzósoó nkíkgán misaŋ Nzamá,

á mfá ye á léreban ná édzwée ngɔ́mán Nzamá mína yian ya dɔ,

amú ná dzam te édɔ mína yén ya dɔ midzuúk.

6 Akála ná é ne nzósoó ósú Nzamá ná,

á búlán vé mídzuúk ébe ébá bá vé mína midzuúk;

7 ve mína,

é bot mína yén midzuúk,

ávé mína awaabé bíabe mína éyɔŋ Ntí Yesus aa ye váma,

eé sɔ́ á dzóp á nkaba ndúán été,

bábe bíwólo bí baángel byeñ;

8 eé vé akunŋa ébe ébá bé ne kaa áyem Nzamá,

ya fe ébá bé ne kaa ábɔ é mbamba fwéñ Ntí wea Yesukristo mewók.

9 Ébá béte,

bá ye dzuk ya ákira é ne mbéámbéá ntsamann,

bá tɔbɔ nkánán bábe Ntí,

ya fe ébe dúmá ye é nguu Deñ,

10 é tám aa ye sian á mfá áñɔŋ dúmá ébe mítɔ́pbán myeñ mos te;

ya á mfá ákpoo mevoó ébá bésesé bé bwíni yaá.

Amú ná míní bwíni yaá é ngañiá wea.

11 Éde,

á mfá édí te,

bía yaglan tám áse ákála denan,

ná é Nzamá wea á láŋ mína ané ébá bá yian ya ékígá deba,

á dzálá fe mbamba nkómánn óse ya eséññ nguu ye á mbwínánn;

12 á mfá ye ná éyola Ntí wea Yesus é tɔbɔ ya dúmá ébe mína,

mína fe ébe éñe,

amú é mvɔmm é Nzamá wea ya éñí Ntí Yesukristo.