Ve,

á mfá ásɔ́ɔ́ Ntí wea Yesukristo ya ékóánn dea fufúlu bíabe bɔ́,

á bɔbédzaŋ,

bía dzaa mína ná,

2 míní táa bɔ ebúbú ye áyébe ná bé fógo ásímánn denan,

kaa ki ásigan,

ngé ya nsísim enziŋ,

ngé ya efíá enziŋ,

ngé ki ya kálara enziŋ,

amvála ané a ne áawea,

éñí bí ne dzó ná é mos Ntí ó sian yaá.

3 Mot enziŋ a táa mína duk amvála enziŋ,

fáve kaa ná melɔ́ méye ákólo é nzenn Nzamá mé tára sian,

ya fe ákúlu ekúkwát mot,

éñe a ne mwán ye á ntsamann mam,

4 éñí a téle Nzamá á ngamm áyát,

a bére émyen ó yóp,

ébe édí ésesé bá lwée ná Nzamá,

ya é dzóm bá kaŋ,

akekwíñ ná aa tɔbɔ ósí é templo Nzamá,

eé lére ná émyen a ne Nzamá.

5 Ye mínăá síman ná ma tára mína kɔ́bɔ dzam te,

á koan ná me ngén me tɔɔ́ bíabe mína?

6 Mína yem fe é dzóm dá biñ ñí éndagá,

á mfá ye ná á kúlu é tám deñ.

7 Amú ná éséññ ntsamann metsiŋŋ ye édí dá nzaman kén mot é tára yaá.

Ve ná éñí aa biñ ñí éndagá,

aa ye dɔ bɔ akekwíñ ané émyen aa ye kólo énzénzaŋ te.

8 Éde véa,

ntsam métsiŋŋ te aa ye kúlu,

éñí Ntí Yesus aa ye ywíñ ya evúŋ ye ánu deñ,

aa ye ñí tsam ya mikwikwiñ míye ásian deñ.

9 Ákúlu mbémbéa mot te dá ye bɔban amvála mbɔann éséññ Sátan ó ne,

ya é nguu ése deñ,

ya mendem,

ya biyágán bí mam bíye á mineá.

10 Éde fe ya meduk mése méye ekúkwát á mfá ébá bá dzáŋ,

akála ná béé ndzí ñɔŋ édziŋŋ é ne bébélá ná bé tɔbɔ nkoránn.

11 Ya dzam te édɔ Nzamá aa ye lóm mbɔann éséññ méduk,

á mfá ye ná bé bwíni mineá míte,

12 ya fe ná bé kík misaŋ ébá bésesé bé ngá bɔ kaa ábwíni bébélá,

fáve ná bé ngá bɔ béé sán ya ekúkwát.

13 É bɔbédzaŋ bé ne mindzindziŋŋ Ntí,

bía yian vé Nzamá akíba eyɔŋ ése ákála denan.

Amú ná Nzamá aá tɔ́p mína ané é ngap ósúá,

á mfá akoroga étɔɔ́ eki ye á Nsísim,

ya ábwíni bébélá.

14 Dzam te édɔ fe a ngá lwée mína ya dɔ ébe é mbamba fwéñ wea,

ná míní koan ya é dúmá Ntí wea Yesukristo.

15 Édɔ é ne ná,

á bɔbédzaŋ,

yémŋán nguu,

á baale fe méyágalé bé ngá vé mína ébe efíá,

ya fe é kálara wea.

16 Ve Ntí wea Yesukristo émyen ya Tará é Nzamá wea,

éñe a dziŋ yaá bía,

a vé yaá fe bía mfoŋann mílém ó ne mbéámbéá,

ya mbamba oyan ákála mvɔmm.

17 Éñe á foŋŋe mílém myenan,

á yémŋe fe mína ébe eséññ ése ya mbamba efíá.