Pablo aa dzaa ná bé yaglan
3
Á bɔbédzaŋ,
asúgánn é ne ná,
yaglánán ya bía á mfá ye ná éfíá Ntí é dzíga myaman,
é ñɔŋ fe dúmá,
ntéññ mbɔ́ɔ́ ané ébe mína;
2 ná bí tɔbɔ nkoránn ébe bembéa bé bot ya bikúkwát bí bot,
amú ná bot bése bĕé belé mbwínánn.
3 Ve Ntí a ne éñí bá tɔbɔ ya ñí mebúnn,
éñe aa ye mína yém ya fe á baale mína ébe á mfá mbéa [mot].
4 Bí tɔɔ́ ya mebúnn ébe Ntí ákála denan ná édí bí mánan ya mína,
mína dzálá dɔ,
mína ye fe tsíni ná mína bɔ dɔ.
5 Éde Ntí á wulugé ya mílém myenan ébe édziŋŋ Nzamá,
ya étɔɔ́ mbán ébe Kristo.
Bot bése bá yian bɔ eséññ
6 Á bɔbédzaŋ,
bía mánan mína ébe éyola Ntí Yesukristo ná,
míní kánan ya é mwadzaŋ áse aa niŋ ané ondéndeát,
ámvála é ne kaa vakgan ya áyágalé míní ngá ñɔŋ ébe bía.
7 Amú ná mína bébyen mína yem amvála ané dá yian ná míní bee éfonann dea,
akála ná bíí ndzí niŋ ané andéndeát énzénzaŋ denan;
8 bíí ndzí ki dzí bidzí mot enziŋ á dás,
fáve ná bí ngá dzuk ya biséññ bí nguu alú ya ó mos,
á mfá ye ná bí nza bɔ mot enziŋ ye ébe mína mbaga;
9 se ákála ná bĭá yian ya dɔ,
ve á mfá átéle bía bébyen ané ovakga ébe mína ná míní vú bía.
10 Amú ákoan ná bí ngén bíabe mína,
bí ngá mánan mína é dzam dí ná,
ngé mot enziŋ ăá kómo séñ,
ăá yian ki dzí.
11 Akála bía wók ná,
bot benziŋ bá niŋ ané andéndeát énzénzaŋ denan,
ébɔ́ kaa áséñ,
fáve áke bá duman éyá mam.
12 Ve ébá béte bía mánan ya álép fe bɔ́ ébe Ntí Yesukristo ná,
bé séñ ya nlém ó bóo bɔ́ ósí,
bé dzá bidzí byeba bébyen.
13 Ve,
á bɔbédzaŋ,
míní táa vwat ná mína bɔ édí é ne mvéáñ.
14 Éde ngé mot enziŋ a bɔ kaa ábɔ mewók áyágalé ye é kálara ñí,
á bílán mot te,
míní táa ki wulu esaŋann ya ñí,
éde ñí aa ye wú osoán.
15 Ve kaa ñɔŋŋán ñí amvála ané nsíŋ,
fáve ná ávé ñí mbámm ané mwanñɔŋ.
Meyáán