1 BETESALONIKA
É Kálara Ósúá Betesalonika
Mebéránn
1
Pablo bíabe Silvano ya Timoteo á mfá ékóánn bebwíni é ne á Tesalonika ébe Nzamá Éséá ya fe ébe Ntí Yesukristo;
mvɔmm ya mvwaá ébe mína.
Ávé Nzamá akíba
2 Bía vé Nzamá akíba eyɔŋ ése á mfá mína bésesé,
bíí síman mína á méyaglán mea été kaa ádzɔgɔ.
3 Bía síman mína ósú Nzamá ya Éséá wea,
ébe éséññ ye á mbwínánn wenan,
ya fe éséññ ye édziŋŋ,
ya édí ye etéññ mbán ébe óyan wenan ébe Ntí wea Yesukristo.
4 Á míndzindziŋŋ mí bɔbédzaŋ ébe Nzamá,
bíí yem ntɔ́pbán wenan,
5 akála ná é mbamba fwéñ wea eé ndzí sian ébe mína fáve ya bifíá etámm;
ve ná ya nguu,
ya Mfúfúp Nsísim,
ya fe abwiññ mebúnn,
amvála ané mína yem nzá ámvála bot bí mbé énzénzaŋ denan,
ya ákála denan.
6 Ané mína míní nzu yaá fe bɔ bévú bea ya ébá Ntí,
mína ñɔŋ efíá ábwiññ midzuúk été ya mesán méye á Mfúfúp Nsísim,
7 akekwíñ ná,
míní nzu yaá bɔ efonann á mfá bebwíni bése béye a Masedonia ya Akaya.
8 Amú ná atéé ye ébe mína,
éfíá Ntí e katban yaá,
se fáve á Masedonia ye Akaya etámm,
ve ná ya fe mévóm mése mbwínánn wenan ébe Nzamá ó mana yaá myaman,
akekwíñ ná bĭá yi fe dzam enziŋ ye áfáŋ bera ákɔ́bɔ.
9 Amú ná bébyen bá kat nzá ámvála míní ngá ñɔŋ bía ébe mína,
ya fe nzá ámvála míní ngá lúm biyemá mvús á mfá ábúlán ébe Nzamá,
ná mína séan ya é Nzamá a ne ntétéá ya bébélá,
10 míníí yana fe é Mwán weñ Yesus,
éñí aa ye sɔ́ á dzóp été;
éñe Nzamá a ngá wómo míwúán été,
éñe fe aa koro bía ébe méyéá má nzu.