4
Á bemása,
tɔbɔgán ya áloá denan ámvála é ne nzósoó,
kaa obea ngamm,
míníí yem ná mína míní belé fe Mása á dzóp été.
Pablo aa dzaa meyaglán
2 Tɔbɔgán mbán á meyaglán été,
míní tɔbɔ fe mɔ evévéñ ya mvéán akíba.
3 Tám te ébyen míníí yaglan fe akála dea,
á mfá ye ná Nzamá á kúu bía mbéñ ákála efíá deñ ná bí kɔ́bɔ édí dá nzaman kén mot ébe Kristo,
édí te édɔ fe me ne ya dɔ nkómm,
4 á mfá ye ná me kúlu dɔ ámvála ma yian dɔ kɔ́bɔ.
5 Wulugán ya kén ósú é bot bé sés bebwíni,
míníí túga fe yem áduan ya tám.
6 Míláŋ myenan mína lwée mí tɔbɔgé ya mvɔmm tám áse,
ya mvéáñ á melɔ́,
á mfá ye ná míní yem nzá amvála mína yian áyalan ya kada mot.
Pablo aa lóm é bot bevɔ́ɔ́ mibóló
7 Ébe mam mése mam,
Tikiko éñe aa ye mína lík ná míní yem mɔ,
ndzindziŋŋ mwadzaŋ ya bébélá mvwála bíséññ,
ñí a ne fe oloá ébe Ntí fufúlu bíabe bɔ́.
8 Ya dzam te édɔ maá lóm mína ñí,
á mfá ye ná mína míní yem é mam má lot ya bía,
ya ná á foŋ fe mílém myenan.
9 Aa nzu bá Onésimo bébélá ya ndzindziŋŋ mwadzaŋ,
a ne fe mot mbɔ́ɔ́ ye énzénzaŋ denan.
Ébɔ́ bá ye mína bɔ ná míní yem é mam mése má lot ó vá.
10 Aristarko,
éñí bía ñí bí ne fufúlu á mbok,
aa bérán ya mína,
bá Markos ndzimm mwanñaŋ Bernabé.
Ákála Markos te fe mína ngá ñɔŋ memvéná.
Ngé aa nzu ébe mína,
ñɔŋŋán ñí mvéáñ;
11 ya fe Yesus,
éñí bá lwée ná Justo,
ébɔ́ bé ne ébá béye á nkíkgán akeé,
ébɔ́ etámm bá bɔ eséññ fufúlu bíabe bɔ́ á mfá édzwée ngɔ́mán Nzamá,
ébɔ́ fe bé sili yaá ma nlém ósí.
12 Epafras aa bérán ya mína,
a ne fe mot mbɔ́ɔ́ ye ébe mína,
óloá Yesukristo,
aa bíra yaglan mbán akála denan biyɔŋ bíse,
á mfá ye ná míní bɔ beñá bot ya ábiñ ováŋ ébe nkómánn Nzamá óse.
13 Amú ná ma vé ñí ngañiá ná nlém wá bíra ñí ákelebe ó yóp ákála denan,
ya akála ébá béye á Laodisea,
ya ébá béye á Yerápolis.
14 Lukas,
ndzindziŋŋ dɔ́kira,
aa bérán ya mína,
ya fe Demas.
15 Bérágán ya bɔbédzaŋ béye á Laodisea,
ya Ninfas,
ya fe ékóánn bebwíni é ne é ndá dzeñ.
16 Niané bé láŋŋe é kálara ñí ébe mína,
bɔgán fe ná bé láŋ ñí ékóánn bebwíni ye á Laodisea,
mína míní láŋ fe éñí aa sɔ́ á Laodisea.
17 Dzógán fe Arkipo ná,
“Túga dága ébe éséññ Nzamá o ngá ñɔŋ ébe Ntí,
á mfá ye ná o dzálá dɔ.”
18 Ma,
Pablo,
ma tsili mbóló wí ya é wéá wɔm.
Símaŋán bekalamekéná bam.
Mvɔmm é tɔbɔgé ya mína.