3
Dá é tɔɔ́ ná míní wómo yaá fufúlu mínabe Kristo,
dzéŋŋán mam méye ó yóp,
é vóm Kristo a tɔɔ́ ósí é wéá meyóm Nzamá.
2 Témŋán mam méye ó yóp,
se émá méye ó sí,
3 akála ná míní wú yaá.
Éde,
bíniŋ byenan bí swala fufúlu mínabe Kristo ébe Nzamá.
4 Éde niané Kristo,
éñí a ne éniŋ dzenan aa ye váma,
eyɔŋ te,
mína mína ye fe váma mínabe bɔ́ á dúmá été.
5 Ya dzam te,
ywíñŋán á mésúk mé ñúu menan édí ye ósí,
ané nsémm eveák,
mvin mam,
áwulu tugá,
bembéa mikómánn,
ya oyéá byém,
éwɔ ó ne nkaŋann biyemá;
6 ákála mam méte,
áyéá Nzamá dá nzu ébe bwán béye melɔ́.
7 Ómvús mína míní ngá wulu fe mam méte été,
míníí niŋ fe mɔ été.
8 Ve éndagá,
veagán fe énzénzaŋ denan été é mam má mése;
meyéá,
olúnn,
nlém abé,
nkɔ́bɔ abyann,
nkɔ́bɔ ó ne mvin wá kwíñ ánu denan été.
9 Míní táa bɔ mineá bevɔ́ɔ́ ya ébá bevɔ́ɔ́,
akála ná míní swálá yaá nnomm mot ya mefúlú meñ.
10 Éde míní bwára yaá fe mfefeñ mot,
éwí wa ke wa bɔ mfefeñ á nyemann été,
ámvála éfonann éñí a ngá vele wɔ é ne.
11 Véa,
éñe mwán griego ya judio a sés,
nkíkgán akeé ya kaa nkíkgán akeé ó sés,
ngé nyín,
ngé mwann Esita,
ngé oloá,
ngé ki filí mot;
fáve ná Kristo éñe a ne ásesé ébe bésesé.
12 Édɔ ná,
amvála ané mítɔ́pbán mí bot Nzamá,
ya ébá bé téle eki ya fe mindzindziŋŋ,
bwátgán nlém engóngɔ́ɔ́,
ya esós,
ya nsilann ñúu ósí,
ya evwévwé nlém,
ya fe edzíp;
13 nzomoŋán bevɔ́ɔ́ ya ébá bevɔ́ɔ́,
dzwiigán fe bevɔ́ɔ́ ya ébá bevɔ́ɔ́.
Ngé mot enziŋ a belé mikéá ya éñí mbɔ́ɔ́,
ámvála Kristo a ngá dzwii mína,
amvála te fe mína bɔgán.
14 Ébe é mam má mése,
ósúá edziŋŋ,
édɔ é ne édí dá dzálá elat.
15 Éde é mvwaá Kristo é dzwéege milém myenan été,
édɔ bé ngá lwée mína ya dɔ ébe ñúu fɔ́ɔ́,
váán fe Nzamá akíba.
16 Véa éfíá Kristo dá é bíragá fe tɔbɔ ébe mína ya kén ése,
váán ayágalé,
míníí lépbán fe mbɔ́ɔ́ ya éñí mbɔ́ɔ́ ya besalmo,
ya byeá bíye á nkaŋann,
ya byeá bíye á nsísim;
míníí yee fe byeá ya é mvɔmm Nzamá á milém myenan été.
17 Éde ébe édí áse mína bɔ,
ané efíá,
ngé ki mbɔann,
bɔgán dɔ áse ébe éyola Ntí Yesus,
míníí vé Tará Nzamá akíba ákála éñe.
Eniŋ ye méndá mé bot bebwíni
18 Á biningá,
tɔbɔgán édzwée beñu beyóm ásí,
ámvála dá yian ébe Ntí.
19 Á beyóm,
dziŋŋán beñu beyéá,
kaa tɔbán ya bɔ́ ya ekán.
20 Á bwán,
bɔgán beésúá mewók ébe dzam áse,
amú ná édí te,
édɔ dá vé Ntí nlém mesán.
21 Á beéséá,
kaa sɔŋŋán é bwán benan,
á mfá ye ná bé nza teak.
22 Á aloá,
bɔgán bémása benan béye é sí ñí mewók ébe dzam áse;
se akála ná bé téa mína,
amvála ané ngé mot éñe mína kómo vé nlém mesán,
fáve ná ya nlém mbɔ́ɔ́,
míníí kɔ Ntí wɔŋŋ.
23 Éde,
ébe édí áse mína bɔ,
bɔgán dɔ ya nlém óse,
amvála ané ngé Ntí éñe mína bɔ dɔ,
se bot,
24 míníí yem ná ébe Ntí éñe mína ye ñɔŋ meyáán mé tsígá.
Ntí Kristo éñe fe mína séan ya ñí.
25 Akála ná éñí aa bɔ ekúkwát,
aa ye fe ñɔŋ meyáán méye ékúkwát deñ,
obea ngamm enziŋ wá ó sés ki.