2
Amú ma kómo ná míní yem é bora meyítán me belé á mfá wenan,
ya é bot bé ne á Laodisea,
ya fe é bot bevɔ́ɔ́ béye bé ne ná băá bé ma átára áyén mámyen ású,
2 á mfá ye ná milém myeba mí biñ nguu niané mí fulan yaá édziŋŋ été,
ákála mitam míse myá sɔ́ ya ndzálánn ya bébélá nyemann ye édí dá nzaman kén mot ébe Nzamá,
édɔ e ne Kristo;
3 ébe éñe,
mitam míse míye á kén ya nyemann mí ne ásweññ.
4 Ma kɔ́bɔ édí te,
á mfá ye ná mot enziŋ a táa mína duk ya akéŋŋ nkɔ́bɔ.
5 Amú ná atwaa mámyen me ne kɔɔ́ ó mís,
ve me ne bíabe mína á nsísim été,
meé sán,
meé yén fe é mbamba nkomann mam wenan ya ámvála míní tɔɔ́ mbán á mbwínánn wenan été ébe Kristo.
Míní táa bera ábúlán étɔɔ́ oloá ye á metsiŋŋ ásí
6 Édɔ ná,
ámvála míní ngá ñɔŋ Ntí Yesus,
néa fe wulugán ébe éñe,
7 mbemann ya nkomann ébe éñe,
míní yém á mbwínánn été,
ámvála míní ngá ñɔŋ meyágalé,
míníí fwíige fe ya mvéán akíba.
8 Dággán ná mot enziŋ a nza ke ya mína mikómm ébe fak mot binam ya benzeze meduk,
amvála ané omvúgá bot ó ne,
ané metáraga mé mam méye éniŋ dzí mé ne,
se ámvála Kristo.
9 Amú ná nswánn Nzamá ó tɔɔ́ ébe éñe ndzálánn ané mot binam.
10 Éde ébe éñe míní tɔbɔ yaá ndzálánn;
éñe á ne nló ye édzwée ése ya nguu edzwée ése;
11 ébe éñe fe míní ngá tɔbɔ nkíkgán mekeé,
éwí ó ne mbɔann se ya mó,
fáve niané bé ngá véa ñúu mot binam ébe nkíkgán ákeé Kristo;
12 niané míní ngá tɔbɔ ndzepbann mínabe bɔ́ ya áduubánn,
ébe éñe míní wómo yaá fe mínabe bɔ́ fufúlu ya mbwínánn ébe é mora nguu Nzamá a ngá wómo ñí ya dɔ á miwúán été.
13 Éde míní mbé miwúán bívuzá byenan été,
kaa ki ya nkíkgán mekeé ye é ñúu denan,
ñí a vé yaá mína eniŋ mínabe bɔ́ fufúlu,
eé dzwii fe bívuzá byea bíse,
14 aá mana tsam é kálara mvólá bé ngá nómán bía á ngamm áyát,
á vea dɔ e mbé é yéŋán énzénzaŋ,
á dɔ́mle fe dɔ á krús.
15 Aá mana téle bidzwée swéñ ya menguu bídzwée,
aá lére bɔ́ osoán éndendaŋ ósú bésesé,
eé lére fe ná a wún yaá bɔ́ ébe émyen.
Étɔɔ́ filí denan
16 Édɔ ná,
míní táa yébe ná mot enziŋ ákík mína nsaŋ,
ébe bidzí,
ngé meñú,
ngé édí ye mos fét,
ngé mos ye fét mfefeñ ngwan,
ngé ki é mos Sátará;
17 é mam má mé ne evagle ye émá mé nkún nzu léreban,
ve ñá mfaŋ dzam ye émá méte ñí a ne Kristo.
18 Mot enziŋ a táa lík ná míní dzímle dás,
eé kómo lére nsilann ñúu ósí,
ya fe nkaŋann ye baángel,
eé kɔ́bɔ é mam aa dzó ná á yén,
eé tɔbɔ fe ndzálánn ya nzeze éngúŋ ya asímánn mot binam,
19 bá kaa ki tɔbɔ elat ya Nló,
éwí ñúu ngúrá,
da vém e tɔɔ́ fe nlatán ya moŋ mé ñúu,
méé túga vegan ya ávém ámvála Nzamá aa kómo.
Mfefeñ eniŋ ébe Kristo
20 Dá é tɔɔ́ ná,
míní wú yaá mínabe Kristo ébe metáraga mé mam méye éniŋ dzí,
amú dzé mína ke á metsiŋŋ mé mot binam ásí,
amvála ané bot bá niŋ é sí ñí:
21 “O táa twáa!
O táa kyak!
O táa nama!”?
22 Mam méte mése mé ne ntélán á mfá ye ná má ke má wú ntuk,
béé belan ya mɔ,
ámvála metsiŋŋ ya méyágalé mé mot binam bí ne.
23 Mam méte má léreban ngúrá mfá,
amvála ané mé ne ya kén,
ébe á nyébé mot binam émyen a téle yaá,
á mfá ye á nsilann é ñúu mot émyen ósí,
ná aa kili fe é ñúu deñ émyen mam;
ve dea,
mam méte mé ne kaa eban enziŋ ébe ayóŋ ye á bivéé bíye é ñúu mot binam.