5
Ve,
á bɔbédzaŋ,
á mfá metám ya biyɔŋ,
mínăá yi ná bé tsili mína dzam enziŋ.
2 Amú ná mína bébyen mína yem mvéáñ ná é mos Ntí wá ye sian amvála ané ndzídzíp á alú.
3 Akála é tám bé ŋga dzó yaá ná,
bí ntɔɔ́ mvwaá,
mam má mé ntɔɔ́ fe nkomann,
véa éñe,
ntsamann mam wá wá ye sian atemtém,
ané mítéñ mí mye myá sian é miningá a ne abum;
éde băá ye sáale amvála enziŋ.
4 Ve,
á bɔbédzaŋ,
mína míní sés ó dzíbi ósí,
ná mos te ó dzili mína ané ndzídzíp.
5 Amú ná mína bésesé míní ne bwán béye eyéá ye bwán béye ó mos.
Bí sés ébá béye á alú,
ngé ki ébá béye ó dzíbi ósí.
6 Édɔ é ne ná,
bí táa ke óyó amvála ané ébá bevɔ́ɔ́;
fáve ná,
bí mɔ́mɔŋán,
bí tɔbɔgán ya kén.
7 Amú ná ébá bá ke óyó,
bá ke óyó á alú;
ébá bá bá fían,
bá bá fían fe á alú.
8 Ve dá é tɔɔ́ ná bí ne ébá béye ó mos,
bí tɔbɔgán ya kén,
bí tɔbɔgán mbwátán eben ye á mbwínánn ya édí ye edziŋŋ,
ya afogolóŋ ye oyan,
éñí ye ákoroga.
9 Amú ná Nzamá eé ndzí bía téle á mfá meyéá,
fáve á mfá akoroga ébe Ntí wea Yesukristo,
10 Éñe a ngá wú ákála dea,
á mfá ye ná ané bí téa,
ngé ki óyó,
bí niŋ fufúlu bíabe bɔ́.
11 Édɔ ná,
foŋŋán milém bevɔ́ɔ́ ya ébá bevɔ́ɔ́,
ávéán fe nguu mbɔ́ɔ́ ébe éñí mbɔ́ɔ́,
amvála ané míní ŋga bɔ yaá dɔ.
Mélépgá má súgan
12 Ve,
á bɔbédzaŋ,
bía dzaa mína ná míní yem ébá bá bɔ eséññ énzénzaŋ denan;
ébɔ́ bé ne mína betébosú ósú Ntí,
ébɔ́ fe bá lép mína.
13 Váán bɔ́ ededea ngaŋŋ édziŋŋ été,
akála éséññ deba.
Tɔbɔgán mvwaá bevɔ́ɔ́ ya ébá bevɔ́ɔ́.
14 Á bɔbédzaŋ,
bía lép fe mína ná,
ébá bé ne andeát,
váán bɔ́ mbámm;
ébá bé ne mitéteák,
váán bɔ́ nguu;
vwálagán ébá mílém mí teak yaá,
belégán edzíp ya bot bése.
15 Dággán ná mot enziŋ a táa búlu éñí mbɔ́ɔ́ abé ya abé;
fáve ná dzéŋŋán eyɔŋ ése édí é ne mvéáñ bevɔ́ɔ́ ya ébá bevɔ́ɔ́ ya á mfá bot bése.
16 Tɔbɔgán ya mesán tám áse.
17 Yaglánán kaa ádzɔgɔ.
18 Váán akíba ébe dzam áse,
amú ná édɔ é ne nkómánn Nzamá á mfá wenan ébe Kristo Yesus.
19 Míní táa dzím Nsísim;
20 kaa ábyanán nkúlánn medzó.
21 Ve fasgán ásesé,
biñŋán édí é ne mvéáñ;
22 dzɔgán amvála abé áse.
23 Ve Nzamá ye á mvwaá émyen,
á tɔɔ́gé mína bésesé ya eki ése;
ya fe ná wámyen ngúrá,
nsísim,
nlém ya ñúu á tɔbɔgé nkálánn kaa bidzo akekwíñ ásɔ́ɔ́ Ntí wea Yesukristo.
24 Éñe aa lwée mína a ne éñí bá tɔbɔ ya ñí mebúnn,
éñe fe aa ye dɔ bɔ.
Meyáán
25 Á bɔbédzaŋ,
yaglánán ákála dea.
26 Ábérán ya bɔbédzaŋ bése ya ñáŋán memáŋŋ bɔbéñafwáa.
27 Ma mánan mína ébe Ntí ná bé láŋ é kálara ñí ébe bɔbédzaŋ bése.
28 É mvɔmm Ntí wea Yesukristo eé tɔbɔgé ya mína.