É mam bá dága ébe ntébosú
3
Tételé efíá éñe ñí ná:
Ngé mot enziŋ aa dzéŋ ná á bɔ ntébosú,
aa kómo fá mbamba eséññ.
2 Ve é ne ná,
ntébosú aa yian tɔbɔ kaa bidzo,
nnóm ye ngéá mbɔ́ɔ́,
a tɔɔ́ ya kén,
ya nkée,
ya tételé osímánn,
áyem áñɔŋ beyéŋ,
a tɔɔ́ nkɔkgán á mfá ávé ayágalé,
3 se ewúwúa ntuk á meywa,
ngé ki nyítán bibɔ;
ve fáve ná ñeñép mot,
se ntára mitéé,
se ki ndziŋŋ moann.
4 Áyemŋe ádzwée é ndá bot dzeñ mvéáñ,
eé belé é bwán beñ édzwée deñ ásí ya ésémm ése.
5 Éde,
ngé mot ăá yem ádzwée é ndá bot dzeñ,
éñe aa ye baale ekóánn bébwíni Nzamá á yá?
6 Se ki é mot a ndem bwíni,
á nza bɔ ná,
niané a tɔbɔ yaá ndzálánn ya engúŋ,
ñí a kpéñ fe ámvála meku déble a ngá ñɔŋ.
7 Dá dá yian fe ná á belé mbamba ngañiá ébe é bot bé sés bebwíni,
á mfá ye ná á nza ñú kpógo,
a kpéñ fe ólám déble.
É mam bá dága ébe bebɔ bíséññ
8 Á mfá mbɔ́ɔ́,
bebɔ biséññ bé bɔɔ́ge bot bé ngaŋŋ,
se menu mé beáñ,
se biwúwúa ntuk á vino,
se ki éñí aa ñɔŋ ábúánn dá sɔ́ á mbémbéa menzenn;
9 eé baale fe,
ya ósímánn mfúbánn,
édí dá nzaman kén mot édɔ é ne mbwínánn.
10 Ya fe ná,
ébá béte bá bá yian fe tára áyén mikat,
véa bé ntɔɔ́ bɔ eséññ bebɔ biséññ,
bé tɔɔ́ kaa meku.
11 Á mfá mbɔ́ɔ́,
biningá bá bé bɔɔ́ge fe ya ngaŋŋ,
kaa áswa bot,
bé tɔɔ́ ya kén,
bé tɔɔ́ tɔbɔ ya bɔ́ mebúnn ébe mam mése.
12 Bebɔ biséññ bé bɔɔ́ge nnóm a ne ya ngéá mbɔ́ɔ́,
bé túga fe yem ádzwée bwán ya mendá meba bébyen.
13 Amú ná ébá bé bɔ yaá mvéáñ éséññ bebɔ bíséññ deba,
bá wún etɔɔ́ ngaŋŋ á mfá bébyen ye ábíra tɔbɔ ya bɔ́ mebúnn á mbwínánn ó ne ébe Kristo Yesus.
Mbwínánn o ne bébélá akon
14 Ma tsili wa é mam má,
meé yana fe ná ma dzíga ánzu ébe wa.
15 Ve ngé ma bem,
yemŋe nzá amvála mot aa yian wulu é ndá Nzamá été,
édɔ é ne ekóánn bébwíni é Nzamá a ne ntétéá,
ákon ya áyágabé bébélá.
16 Édí é ne kaa bisó,
é mora dzam aa nzaman kén mot ye á nkaŋann Nzamá,
ná,
aá yéne á ñúu mot binam été,
baá láŋ ñí nzósoó á nsísim été,
baángel baá yén ñí,
baá kat é fwéñ deñ méyɔŋ mefé été,
baá bwíni ñí éniŋ dzí,
baá ñɔŋ fe ñí á yóp á dúmá été.