Nzamá aa kúlu mesweññ meñ éyéá
3
Amú dzam te,
ma Pablo me ne mbok Yesukristo ákála mína meyɔŋ mefé,
2 ngé e ná ná míní wók yaá ámvála ntélán mam méye é mvɔmm Nzamá bé vé yaá ma á mfá wenan;
3 édí dá nzaman kén mot bé ngá vé ma ná me yem ya nléránn ye á nsísim,
ámvála me ngá tára mína tsili mwann kálara.
4 Éñí míníí láŋ,
míní ne fe ñú táŋ nyemann wɔm ye édí dá nzaman kén mot ébe Kristo;
5 ébe édí béé ndzí vé bwann bé bot béye mimyee mí bot mifé ná bé yem,
ámvála é léreban yaá áwola dí ébe mifúfúp baapostol myeñ ya fe mífúfúp bekúlu medzó myeñ ákála Nsísim,
6 ná meyɔŋ mefé má mé ne fe bɔ beñɔŋ tsígá fufúlu bábe bot béye ñúu fɔ́ɔ́ ya fɔ́ɔ́,
béé ñɔŋ fe ngap fufúlu ébe ngaá,
ákála é mbamba fwéñ Kristo Yesus.
7 Ébe édí te,
bé téle yaá ma ané mvwála bíséññ,
ámvála é dás ye é mvɔmm Nzamá e ne,
éñí bé ngá vé ma amvála ané mbɔann eséññ ye é nguu deñ ó ne.
8 Ma,
é mot me ne ásí ébe éñí aa daŋ ya avítsaŋ énzénzaŋ bébwíni bése,
bá vé ma mvɔmm te,
ná me kat meyɔŋ mefé mbamba fwéñ ye ntam Kristo bé sés kanan ya wɔ,
9 ná me kúlu fe éyéá été ébe bot bése é tám aa dzálá édí dá nzaman kén mot é mbé ásweññ atéé ye ókuá ébe é Nzamá a ngá vele byém bíse;
10 á mfá ye ná é kén Nzamá é ne ya abwiññ métsinann,
bé yem dɔ áwola dí ébe ékóánn bebwíni été,
ébe betébosú ya menguu mé édzwée méye á dzóp été;
11 ámvála mbéámbéá ntélán mam a ngá bɔ ébe Kristo Yesus Ntí wea,
12 ébe éñe bí belé filí ya añíí ósú Nzamá ya mebúnn,
ákála mbwínánn ébe éñe.
13 Ya dzam te édɔ,
ma dzaa ná,
míní táa teak ákála midzuúk myam á mfá wenan,
émyɔ mí ne á mfá é dúmá denan.
Pablo aa bera áyaglan ákála bebwíni béye Éfeso
14 Akála te édɔ ma kut mebɔ́ŋŋ mam ósí ébe ású é Tará [Ntí wea Yesukristo],
15 é mot ndá bot áse ye á dzóp été ya fe ósí da fean ya ñí,
16 amvála ané mítam míye é dúmá deñ mí ne,
á bɔɔ́ge mína ná é mot a ne mína été á biñ nguu ákála Nsísim weñ;
17 ya fe ná ya mbwínánn,
Kristo á tɔbɔ mílém myenan été,
á mfá ye ná éyɔŋ míní ne mbemann ya nyémán édziŋŋ été,
18 míní tɔbɔ nkɔkgán áse ye áwók mínabe mítɔ́pbán mí bot míse ámvála é ne ndam,
ya eyála,
ya mbélánn ó yóp,
ya edwá,
19 ya fe áyem édziŋŋ dá lot nyemann óse,
á mfá ye ná míní túga dzéñ ya Nzamá ná lút.