Kaa Yesus mot a ne nwúán
2
Mína é bot míní mbé miwúán á ntsamann metsiŋŋ wenan été ya fe á misémm myenan été,
2 ébe émá méte míní ngá bɔ míníí niŋ été,
amvála ané eniŋ ye é sí ñí é né,
ané ntébosú ye á nguu edzwée ye nyem dzóp,
nsísim aa ke aa tsíble éndagá bwán béye á melɔ́,
3 bía fe ntéññ mbɔ́ɔ́,
bí ngá bɔ bíí wulu á mikómánn míye á nlém mot binam wea été,
bíí dzálá mikómánn míye á nlém ya fe émí míye ásímánn;
éde á mbyálánn wea ané mot binam,
bí mbé bwán méyéá,
ntéññ mbɔ́ɔ́ fe ané é bot bése bevɔ́ɔ́.
4 Ve é Nzamá ñí aa fwíige ya nlém engóngɔ́ɔ́,
ákála é mora edziŋŋ a ngá dziŋ bía ya dɔ,
5 atwaa éyɔŋ bí mbé miwúán á ntsamann metsiŋŋ été,
aá bɔ bía ná bí niŋ fufúlu bíabe Kristo (míní tɔbɔ yaá nkoránn ákála mvɔmm),
6 ya fe ébe éñe,
Nzamá aá téle bía,
a bɔ fe bía ná bí tɔbɔ ósí bíabe bɔ́ mevóm méye á dzóp été ébe Kristo Yesus,
7 á mfá ye ná métám má nzu,
álére ededea abwiññ ntam ya mvɔmm ébe ésós deñ,
á mfá wea ébe Kristo Yesus.
8 Amú ná míní tɔbɔ yaá nkoránn ya mvɔmm ákála mbwínánn,
édí te dăá sɔ́ ébe mína,
é ne é dás Nzamá;
9 se ákála mibɔann,
á mfá ye ná mot enziŋ a nza vága.
10 Amú ná bí ne mbɔann Nzamá,
mvelann ébe Kristo Yesus á mfá bembamba míbɔann,
émí Nzamá a ngá tára koman á mfá ye ná ébe émyɔ éñe bí niŋ été.
Nlatán ya Kristo
11 Ya dzam te édɔ,
símaŋán ná mína meyɔŋ mefé atéé ye ábyálá,
ébá bé ne eyola ná nkíkgán akeé éwí bá bɔ ya mó,
bé ngá lwée mína eyola ná,
kaa nkíkgán akeé.
12 Éyɔŋ te,
míní mbé míní tɔɔ́ nkánán ya Kristo,
nkánán ye etɔɔ́ mwann Israel,
ya beyín béye bilat bíye á ngaá,
kaa oyan,
ya fe kaa Nzamá ébe éniŋ dzí.
13 Ve ébe Kristo Yesus,
mína é bot míní mbé oyaáp métám ó mvús,
áwola dí,
míní yit yaá bebeñ ákála mékií Kristo.
14 Amú ná éñe a ne é mvwaá dea,
éñí a ngá fulan ya dɔ bé beáñ mot mbɔ́ɔ́,
eé tsam mfim nzíŋŋ ó mbé ó yéŋán énzénzaŋ ná wá kána bɔ́;
15 ébe é ñúu deñ,
aá tsam nkɔɔ́ métsiŋŋ mémvéná ya mitsinann;
á mfá ye ná bé beáñ béte,
aa vele mfefeñ mot mbɔ́ɔ́ ébe émyen,
eé vé mvwaá;
16 á mfá ábera álat bé beáñ béte angɔmm bábe Nzamá ébe ñúu fɔ́ɔ́ ya fɔ́ɔ́,
ébe á krús,
éñe aá ywíñ nzíŋŋ te.
17 Éde a ngá nzu kat mbamba fwéñ mvwaá ébe mína é bot míní mbé oyaáp,
mvwaá fe ébe é bot bé mbé bebeñ.
18 Amú ná ébe éñe,
bot béye mifá mí beáñ bí ntɔɔ́ yit Tará Nzamá bebeñ ya ébe Nsísim mbɔ́ɔ́ ya mbɔ́ɔ́.
19 Ya dzam te édɔ,
éndagá míní sés fe beyéŋ ngé ki beyín,
fáve bibíbyála bí bɔ́ŋŋ béye nnam fufúlu ya mítɔ́pbán mí bot,
míní ntɔɔ́ fe ébá béye é ndá bot Nzamá,
20 nlóŋán á mbókga baapostol ya bekúlu medzó áyóp,
Kristo Yesus émyen éñe fe a tɔɔ́ ákwá dá daŋ ya eban mélóŋ,
21 ébe éñe melóŋ mése,
meé túga vegan mvéáñ,
meé ke má vém á mfá mfúfúp templo ébe Ntí,
22 ébe éñe,
mína mína tɔbɔ fe nlóŋán fufúlu á mfá ye ábɔ é ndá Nzamá á Nsísim.