Ébe mítɔ́pbán mí bot mí ne Éfeso,

bé tɔɔ́ fe bebwíni ébe Kristo Yesus.

2 Mvɔmm eé tɔbɔgé ébe mína ya é mvwaá é Tará Nzamá wea ya Ntí Yesukristo.

3 Olugú ó bɔɔ́ge ya Nzamá,

Éséá Ntí wea Yesukristo,

éñí a vé yaá bía abwará ébe ábwará áse ye á nsísim á dzóp été ébe Kristo,

4 ámvála a ngá tára bía tɔ́p ébe éñe kaa ná eniŋ é tɔbɔ mvelann,

á mfá ye ná bí tɔbɔ eki ya fe kaa ayeŋŋ ébe ású deñ,

édziŋŋ été;

5 éyɔŋ a ngá tára bía tɔ́p á mfá etɔɔ́ bwán,

ébe Yesukristo á mfá weñ émyen;

ámvála mbamba nkómánn weñ ó né,

6 á mfá olugú ye á dúmá ye é mvɔmm deñ,

édí a ngá vé bía ya áñep deñ ébe Ndzindziŋŋ weñ.

7 Éñe bí belé akoroga ébe éñe,

ákála mékií meñ,

bidzwiigá bíye á ntsamann metsiŋŋ wea,

amvála ané ntam ye é mvɔmm deñ ó ne.

8 émí ñí a ngá bɔ ná mí fwíige á mfá wea ébe kén ése ya fe nyemann óse.

9 Éñí aá bɔ bía ná bí yem é mam má nzaman kén mot méye nkómánn weñ,

ámvála a ngá tára dɔ átéle ébe mbamba ntélán mam weñ ébe éñe,

10 ná aa ke ya dɔ ósú éyɔŋ tám e kwíñ yaá,

á mfá ye ná á kóán byém bíse ébe Kristo,

ané é byém bí ne á dzóp,

ané ébyɔ bíye é sí ñí,

ébe éñe;

11 ébe éñe bí súgan yaá fe bɔ beñɔŋ tsígá,

ámvála a ngá tára bía tɔ́p ané ntélán mam weñ ó ne,

ébe éñí aa bɔ mam mése amvála ané édí nkómánn weñ wá kík,

12 ná bía,

é bot bí ngá tára belé oyan ébe Kristo,

bí bɔ á mfá olugú ye é dúmá deñ.

13 Ébe éñe fe mína,

niané míní wók yaá éfíá é ne bébélá,

mbamba fwéñ ye ákoroga denan,

míní bwíni fe dɔ,

ané míní ngá ñɔŋ sitám ya Mfúfúp Nsísim ye á ngaá.

14 Édí te édɔ bé vé yaá bía amvála ané ebánn ye é tsígá dea,

akekwíñ ané akoroga ye é mvɔŋ dzeñ dá dzálában ébe olugú ye é dúmá déñ.

15 Ya dzam te édɔ fe,

niané me ngá wórán mbwínánn míní belé ébe Ntí Yesus ya fe édziŋŋ mína lére ákála mítɔ́pbán mí bot míse,

16 măá dzɔgɔ ná ma vé akíba á mfá wenan,

meé túp mína ébe méyaglán mam,

17 ná é Nzamá Ntí wea Yesukristo,

Tará ye á dúmá,

ávé mína nsísim ye á kén ya éwí nléránn á mfá nyemann ó ne ngúrá.

18 Ma dzaa fe ná mís méye á nlém wenan mé belé eyéá,

á mfá ye ná míní yem nzá amvála oyan ó ne á mfá ékígá deñ,

ya fe nzá amvála ntam ye á dúmá ye é tsígá deñ á mfá mítɔ́pbán mí bot,

19 ya fe nzá ámvála nnén é mora nguu deñ bé sés kanan ya dɔ é ne á mfá wea,

bía é bot bía bwíni.

Amvála ané mbɔann eséññ ye édzwée deñ ó ne ewólo,

20 éwí a ngá lére ébe Kristo,

eé wómo ñí á miwúán été,

a tɔɔ fe ñí é wéá meyóm weñ á dzóp été;

21 a tɔɔ́ ededea mbélánn ó yóp ébe edzwée ése,

nguu edzwée ése,

nguu ése,

ekán ése,

ya fe ébe éyola ése bá túp,

se fáve ébe éyɔŋ dí etámm,

ve ya fe édí é nkún nzu.

22 Aá tɔɔ byém bíse mébɔ meñ ásí,

aá téle fe ñí ané nló ye mam mése méye ékóánn bebwíni,

23 édí te édɔ é ne é ñúu deñ,

éñe a ne é mot aa dzálá byém bíse,

ásesé abóm.