Ávéán avwálá bevɔ́ɔ́ ya ébá bevɔ́ɔ́
6
Á bɔbédzaŋ,
atwaa ngé bé dzili yaá mot enziŋ ébe evuzá enziŋ,
mína é bot míní ne bot béye á nsísim,
sóŋan ñí ya nsísim evwévwé nlém;
ve wámyen,
wa tɔbɔgé fe ya nkée ná wa o nza fe yén mebóblé.
2 Ábagán míbaga bevɔ́ɔ́ ya ébá bevɔ́ɔ́,
néa éñe fe mína dzálá átsiŋŋ Kristo.
3 Akála ná,
ngé mot enziŋ aa tém ná a ne dzóm enziŋ,
dá e tɔɔ́ ná a sés dzóm enziŋ,
aa duk émyen.
4 Ve déá,
kada mot á fasge mbɔann weñ émyen,
véa,
aa ye belé édí a ne vága ya dɔ á mfá ébe émyen etámm,
ve a táa kánan ya mot enziŋ mfé.
5 Amú ná kada mot aa ye baga mbaga weñ émyen.
6 Ve é mot bá vé ayágalé efíá,
á vá édí é ne mvéáñ é mot aa yágale ñí.
7 Kaa líkgán ná bé lés ya mína nzenn,
mot enziŋ a sés kpógo Nzamá.
Akála ná édí áse mot aa beñ édɔ fe aa ye yoo.
8 Amú ná,
éñí aa beñ á mfá nlém mot binam weñ,
ébe nlém mot binam te aa ye yoo awú;
ve éñe ñí aa beñ á mfá Nsísim,
ébe Nsísim aa ye yoo éniŋ e ne mbéámbéá.
9 Bí táa ki vwat ná bía bɔ mbeŋ;
akála ná bía ye yoo ébe é tám dá yian,
ngé bía bɔ kaa vwat.
10 Édɔ e ne ná,
éyɔŋ ése bí belé afóo bí bɔgán mot áse mbeŋ,
ádaŋdaŋ ébá bé ne mvɔŋ bot ye á mbwínánn.
Mélépgá má súgan
11 Dággán nzá ámvála bora bikaŋŋ maá tsili mína ya é wéá wɔm mámyen.
12 É bot bése bá kómo mína yémle ná míní kíkban mekeé,
bá bɔ dɔ fáve á mfá ó léreban ané bembamba bé bot á bot été,
á mfá ye ná bé táa bɔ dzéŋ ásí ákála é krús Kristo.
13 Amú ná,
atwaa é bot bébyen bé ne mikíkgán mekeé,
bá băá dzálá ki nkɔɔ́ metsiŋŋ;
fáve ná bá kómo mína bɔ ná míní kíkban mekeé;
á mfá ye ná bé vága ébe meñúu menan.
14 Ve dá é táa ki bɔban ná me vága,
veveé ébe é krús Ntí wea,
Yesukristo.
Dzam te fe,
éniŋ dzí é tɔbɔ yaá nkelann á krús á mfá wɔm,
ma fe ntéññ mbɔ́ɔ́ á mfá éniŋ dzí.
15 Amú ná,
nkíkgán akeé ó sés dzam enziŋ,
ngé ki kaa nkíkgán akeé,
fáve mfefeñ mvelann mot.
16 Éde mvwaá ya nyénánn engóngɔ́ɔ́ bí tɔbɔgé ébe ébá bésesé bá niŋ amvála ané atsiŋŋ dí e ne,
ya fe á mfá Ísrael Nzamá.
17 Atéé ye éndagá ya áke ósú,
mot enziŋ ăá bera ma bɔ sɔ́m,
amú ná me baga méndem Yesus ébe é ñúu dam.
18 Á bɔbédzaŋ,
é mvɔmm Ntí wea Yesukristo é tɔbɔgé ya nsísim wenan.
Amén.