2 BEKORINTIO
É Kálara Beáñ Bekorintio
Mebéránn
1
Pablo,
ápostol Kristo Yesus ákála nkómánn Nzamá,
bía mwadzaŋ Timoteo,
ékóánn bebwíni Nzamá é ne á Korinto,
ya mítɔ́pbán mí bot míse mí ne Ákaya áse.
2 Abwará ya mvwaá bí tɔbɔgé ya mína ébe Nzamá é Tará wea,
ya Ntí Yesukristo.
Ávé akíba
3 Olugú ó bɔɔ́ge ya Nzamá,
Éséá Ntí wea Yesukristo,
Éséá ye á nyénánn engóngɔ́ɔ́ ya Nzamá ye á mfoŋann mílém ósesé.
4 Éñí aa foŋ bía milém ébe mídzuúk myea míse,
ná bía bí ne fe foŋ mílém ébá bé ne amvála mídzuúk míse été,
ya ámvála mfoŋann mílém bía bébyen bía bí ne fe ya wɔ́ ákála Nzamá.
5 Éde,
amvála ané mídzuúk Kristo myá fwíige ébe bía,
amvála te fe ya amú Kristo mfoŋann mílém wea wá wá fwíige fe.
6 Ve,
ngé bía yén midzuúk,
é ne á mfá mfoŋann mílém wenan ya fe ákoroga denan;
ngé bía bí belé ki mfoŋann mílém,
é ne á mfá mfoŋann mílém wá vwála mína ná mína míní nzomo fe mídzuúk mívɔ́ɔ́ ya mívɔ́ɔ́ bía bía yén fe.
7 Éde,
óyan wea á mfá wenan ó ne kaa áfógan,
bíí yem ná ámvála mína ñɔŋ ngap ébe midzuúk,
amvála te fe mína ñɔŋ dɔ ébe mfoŋann mílém.
8 Amú ná,
á bɔbédzaŋ,
bĭá kómo ná míní bɔ kaa áyem,
ébe ndzuúk bí ngá yén Ásia,
akála ná bía bíra dzuk abwiññ álot ábímm bí mbé kɔk,
akekwíñ ná bí ngá dzímle atwaa mebúnn méye ákólo ó véa ya éniŋ.
9 Ya dzam te,
bía bébyen bía bí ngá tém fe ná bí mbelé nsaŋ áwú,
á mfá ye ná bí bɔ kaa átɔbɔ ya bía bébyen mebúnn,
fáve ébe é Nzamá aa wómo bewú.
10 Éñí a ngá koro bía á bora áŋgónó áwú été,
éñe fe aa ye bía koro,
bí tɔɔ́ fe ya ñí mebúnn ná aa ye fe tsíni ná aa koro bía.
11 Éde míníí bɔ fe eséññ bíabe mína fufúlu á méyaglán été,
ná néa éñe abwiññ bot dá ye vé akíba ákála é mvɔmm bé vé yaá bía ébe mína.
Ákéá Pablo eé ndzí ke ya dɔ á Korinto
12 Amú ná,
mevágá mea émɔ má ná,
é ngañiá ye nlém wea,
éñí ye á nlém mbɔ́ɔ́ ya kaa ayeŋŋ ébí Nzamá,
se ákála kén mot,
fáve ébe é mvɔmm Nzamá;
bía bí tɔbɔ yaá fe é sí ñí,
ádaŋdaŋ énzénzaŋ denan été.
13 Amú ná bĭá tsili mína dzam enziŋ afé,
fáve édí mína láŋ ngé ki áyem,
éde me tɔɔ́ fe ya mebúnn ná mína ye yem akekwíñ asúgánn,
14 amvála ané míní yem yaá fe bía ngúrá mfá,
ná bía bí ne akéá ye mévágá menan,
amvála avɔ́ɔ́ ya avɔ́ɔ́ mína míní ne fe dɔ á mfá wea ébe é mos Ntí wea Yesus.
15 Éde ya mebúnn méte,
maá kík ná é ne ma tára nzu ébe mína,
á mfá ye ná mína míní ñɔŋ mvɔmm éyɔŋ beáñ;
16 ná meé ke á Masedonia,
ma ye lot ébe mína;
véa meé sɔ́ fe á Masedonia,
meé bera lot ébe mína;
á mfá ye ná mína míní vwála ma ná me ke á Judea.
17 Édɔ é ne ná,
meé kyaa dzam te;
ye ná maá bɔ dɔ mbíí ya mbíí?
Ngé ki ná édí ma kyaa,
ye ná ma kyaa dɔ amvála ané mot,
ná ébe mámyen été,
mé belé etéññ evɔ́ɔ́:
“Ãá,
Ãá” ya “Móamó,
Móamó”?
18 Ve,
Nzamá a ne éñí bá tɔbɔ ya ñí mebúnn,
ná éfíá dea é sés ébe mína Ãá ya Móamó.
19 Amú ná Kristo Yesus,
é Mwán Nzamá,
éñí bí kat yaá fwéñ énzénzaŋ denan,
bía Silvano ya Timoteo,
deé ndzí bɔ Ãá ya Móamó,
fáve ná é bɔ yaá:
Ãá ébe éñe.
20 Amú ná mengaá mése Nzamá,
ébe éñe mésesé mé ne Ãá;
ya dzam te édɔ fe ébe éñe mé ne Amén,
á mfá é dúmá Nzamá ébe ákála dea.
21 Ve,
éñí aa yém bíabe mína ébe Kristo,
éñe fe a ngá téle bía eki,
éñe a ne Nzamá.
22 Éñe aá bem bía sitám;
a vé yaá fe bía Nsísim mílém myea ané ébánn é ne é ngap ósúá.