Bá lóm bekrísten avwálá á Yerusalen
16
Éde,
á mfá avwálá ébe mítɔ́pbán mí bot,
mína bɔgán fe amvála me ngá mánan bíkóánn bebwíni bíye á Galasia.
2 Éyɔŋ evɔ́ɔ́ á sóánn,
kada mot ye ébe mína émyen amvála ané á wún yaá,
á kánaŋé ngúrá mfá,
a nii fe wɔ́,
ná bé nza kóán avwálá te é tám ma ye sian.
3 Niané me sian yaá,
é bot mína ye tɔ́p ébɔ́ ma ye lóm ya bekálara ná bé ke ya avwálá denan á Yerusalen;
4 éde ngé dá yian ná ma me ke fe,
bá ye ke bíabe bɔ́.
Pablo aa koman ekena
5 Ma ye nzu ébe mína éyɔŋ me tára yaá lot á Masedonia;
amú ná ma yian lot ó wéñ.
6 Éde tám enziŋ ma ye tɔbɔ bíabe mína,
ngé ki ná ma ye lot metám mé avép ó wéñ,
á mfá ye ná míní vwála ma tsíni ekena ósú ébe é vóm ma ye ke.
7 Amú ná meé lot éndagá măá kómo mína yén,
akála ná ma kómo tɔbɔ bíabe mína oyomm abɔ́ŋŋ tám enziŋ,
ngé Ntí aa yébe dɔ.
8 Ve ma ye tɔbɔ Éfeso akekwíñ á Pentekostés;
9 amú ná mora mbéñ á yɔ́ŋbe yaá ma,
á mfá mbɔann éséññ mvéáñ;
afáŋbɔ ná ébá bé ne ma á ngamm áyát,
bá bé ne fe abwiññ.
10 Ve,
ngé Timoteo a sian,
bɔgán ñí ná á tɔbɔ kaa ákɔ wɔŋŋ énzénzaŋ denan;
amú ná ñí aa bɔ fe éséññ Ntí amvála ané ma.
11 Édɔ é ne ná,
mot enziŋ a táa ñí byana.
Fáve ná,
vwálagán ñí á mvwaá été,
ná á búlán ébe ma;
amú ná ma yana ñí bíabe bɔbéñaŋ.
12 Á mfá mwadzaŋ Apolos,
maá bíra ñí dzaa ná á nzu ébe mína bábe bɔbéñaŋ;
ve ĕé mbé a belé nkómánn amvála enziŋ ná á nzu éndagá,
ve aa ye sɔ́ é tám a ne belé afóo.
Mélépgá má súgan
13 Mɔ́mɔŋán,
á téabán fe fáve osúosú á mbwínánn été,
ábɔan mam amvála ané befám,
áyémán fe nguu.
14 É mam menan mése mé tɔbɔgé mbɔann ya edziŋŋ.
15 Á bɔbédzaŋ,
ma lép mína ná:
Míní yem yaá ébá béye é ndá bot Estéfanas,
ébɔ́ bé ne bebwíni béye ósúá Ákaya,
bé tɔbɔ yaá fe ná bá belan ya mítɔ́pbán mí bot.
16 Édɔ ná mína tɔbɔgán fe édzwée amvála bot béte ásí,
bábe é bot bése bá bɔ eséññ fufúlu ya ábíra fe bɔ eséññ.
17 Ma sán akála ásɔ́ɔ́ Estéfanas ya Fortunato ya Akaiko,
amú ná ébɔ́ bé dzálá yaá édí é ngá dzéŋ ma á mfá wenan.
18 Amú ná bé vé yaá ma nsísim awaabé ya fe áawenan.
Yemŋán ñɔŋ amvála bot te.
Mebéránn mefé
19 Bikóánn bebwíni bíye Asia byá bérán ya mína.
Akila bá Priska bábe ékóánn bebwíni é ne é ndá dzeba,
bá bíra bérán ya mína ébe Ntí.
20 Bɔbédzaŋ bése bá bérán ya mína.
Ábérán bevɔ́ɔ́ ya ébá bevɔ́ɔ́ ya ñáŋán memáŋŋ bɔbéñafwáa.
21 Ma Pablo,
ábéránn dí dá é ne édí ya é wéá wɔm ya ékaŋŋ dam.
22 Ngé mot enziŋ a ne kaa ádziŋ Ntí,
á tɔbɔgé ya biboŋ.
Á Ntí,
nzaá!