5 Ébe éñí,

bía ñɔŋ abwará ya ntélán ápostol,

mfá ábɔ mbwínánn mewók ébe meyɔŋ mefé mése amú éyola deñ,

6 éde énzénzaŋ deba,

mína míní ne fe é bot bé ne ntélán ná bé bɔ ébá Yesukristo.

7 Mfá mína bésesé míndzindziŋŋ Nzamá míní ne á Roma,

ntélán á mfá eki.

Mvwaá ya mvɔmm bí bɔɔ́ge ébe mína,

bíí sɔ́ ébe Nzamá Éséá wea ya ébe Ntí Yesukristo.

8 Ma tára vé é Nzamá wɔm akíba ébe Yesukristo mfá mína bésesé,

ná eniŋ ngúrá dá kɔ́bɔ á mfá mbwínánn wenan.

9 Amú ná é Nzamá ma kaŋ á nsísim wɔm été,

mfá nkatann mbamba fwéñ é Mwán weñ,

a ne ma ngañiá ámvála ma síman mína kaa ádzɔgɔ,

10 á méyaglán mam été tám áse,

meé dzaa éndagá á mfá nkómánn Nzamá,

ná me belé afóo ye ánzu ébe mína.

11 Amú ná ma bíra mína kómo yén,

ná me kalan mína mvɔmm enziŋ ye á nsísim,

á mfá ye ná míní tɔbɔ nyémán nguu;

12 dá yíli ná me tɔɔ́ énzénzaŋ denan,

bí yémŋán nguu fufúlu,

kada mot ye á mbwínánn éñí mbɔ́ɔ́,

ané éewenan ané éewɔm.

13 Á bɔbédzaŋ,

măá kómo ná míní dzími ná me dzéñ yaá bɔ ngoman,

ná me nzu mína fép,

(ve ye anzukwíñ éndagá,

bé dzip yaá ma dɔ),

á mfá ye ná me belé fe ebumá enziŋ ye á nsísim énzénzaŋ denan,

ntéññ mbɔ́ɔ́ fe ané ébe méyɔŋ mefé mevɔ́ɔ́.

14 Me belé mvólá atéé ye begriego akekwíñ ébá bé sés begriego,

ané ébá bé ne bebelé kén akekwíñ ébá bé sés mifefák;

15 édɔ ná,

mfá wɔm,

me belé ededea nkómánn ye ákat fe mína mbamba fwéñ,

mína é bot míní tɔɔ́ á Roma.

16 Amú ná măá wók mbamba fwéñ osoán;

éñe fá a ne é nguu Nzamá mfá ákoroga ye éñí áse aa bwíni;

mwann Judio ósúá,

ya fe mwann Griego.

17 Amú ná éñe é nzósoó Nzamá aa léreban été,

ákála mbwínánn ya á mfá mbwínánn amvála ané é ne ntsilann ná:

“Nzósoó mot aa ye niŋ amú mbwínánn.”

18 Amú ná méyéá Nzamá má léreban atéé ye á dzóp été mé tɔɔ́ á ngamm áyát á mbɔann óse ya ékúkwát ése é bot bá dzíp bébélá ya ékúkwát;

19 éde ya é dzam bé ne fá yem ya dɔ Nzamá,

é léreban yaá ébe bɔ́;

amú ná Nzamá a lére yaá bɔ́ dɔ.

20 Akála ná atéé ye bé ngá vele eniŋ,

é mam Nzamá mé ne kaa áyéne,

é nguu deñ e ne mbéámbéá ya étɔɔ́ Nzamá deñ,

bé túga yaá byɔ yén éndendaŋ ya nzenn ye é byém a ngá vele,

éde bĕé belé fe eyalann.

21 Dá é tɔɔ́ ná bé yem yaá Nzamá ve é bɔ́ kaa ñí ávé dúmá,

fáve ná bé mana nzaman á nzeze ásímánn deba été,

ákút nlém deba dá é mana lígi á dzíbi été.

22 Éde,

béé vága ané bebelé kén,

bá bé súgan mekút.

23 Ané bé ngá tsén é dúmá é Nzamá a ne kaa ábweñ ya éyemá é mot aa bweñ,

édí anwann,

édí bétsít bé ne ya mebɔ mé nii ya édí bétsít bá dulu mebum ósí.

24 Ya amú dzam te,

édɔ Nzamá a ngá kee bɔ́ á mvin mam ya mbéa bívéé bíye mílém myeba été,

bé ŋga bɔ é mam mé ne osoán a méñúu meba bébyen ya bébyen.

25 Amú ná bá tsén é bébélá Nzamá ya édí é ne mineá,

bé ŋga kaŋ ya áséan ya é byém bí ne mvelann,

amvála ané Mvele byém Émyen,

éñí a ne ya olugú kɔ́mm áse.

Amén.

26 Ya dzam te édɔ Nzamá a kee yaá bɔ́ bívéé bí ne osoán;

amú ná atwaa é biningá beba bá bé tsén yaá ámvála mbelán bé ngá byála ya wɔ́ ya éwí béé ndzí byála ya wɔ.

27 Amvála te fe avɔ́ɔ́ ya avɔ́ɔ́ befám,

bá bé lík yaá ámvála nyénánn biningá bé ngá byála ya dɔ,

bé ŋga yóŋ ya mbéa bivéé,

bevɔ́ɔ́ ya ébá bevɔ́ɔ́,

béé bɔ é mam mé ne osoán befám ya befám,

bébyen bá bé ŋga ñɔŋ fe é máán má yian ya évuzá deba.

28 Ya amú béé ndzí yén mvéáñ ná bé yem Nzamá,

éde Nzamá a ngá kee bɔ́ bé belé ásímánn é ne kaa eban été,

á mfá ye ná bé bɔ é mam mé ne kaa áyian;

29 bé tɔɔ́ ndzálánn ya ekúkwát memvála mése,

mbéa bivéé,

onzáŋŋ akúmm,

abé;

ndzálánn ya evínn,

nywíán bot,

mitéé,

meduk,

ya mbéa nlém,

ya bé fuk bot,

30 bekɔ́bɔ bot abé,

bevíni Nzamá,

bevé bot ekán,

bebére bébyen ó yóp,

betéñ abé,

bebɔ beéséá melɔ́,

31 ébá bé ne kaa nkée,

ébá bé ne kaa ádzálá édí bá dzó,

ébá bé ne kaa eñúñuŋŋ,

ya ébá bé ne kaa engóngɔ́ɔ́.

32 Bot béte,

atwaa béé yem nsaŋ Nzamá ná ébá bá bɔ amvála mam méte bá yian wú,

se fáve ná bá bɔ mɔ,

fáve ná bá yébe fe é bot bá bɔ mɔ.