Nzamá aa kík misaŋ ámvála dá yian ya bébélá
2
Amú dzam te á mwann mot,
wĕé belé ámvála ó ne lére benzósoó,
éñí áse o ne bɔ ná wa kík misaŋ;
é dzam wa kík fá ya dɔ é mot mbɔ́ɔ́ nsaŋ,
wa vé wámyen meku,
amú ná wa é mot wa kík nsaŋ wa wa bɔ fe mam méte mébyen.
2 Ve bía yem ná nsaŋ Nzamá éwɔ ó ne bébélá mfá é bot bá bɔ amvála mam méte.
3 Éde,
á mwann mot,
ye wa tém ná wa ye sáale nsaŋ Nzamá,
wa é mot wa vé é bot bá bɔ ámvála mam méte meku,
é tɔɔ́ ná wámyen wa wa bɔ amvála te avɔ́ɔ́ ya avɔ́ɔ́?
4 Ye ná wa byana ntam ye áñep deñ,
edzíp ya nlém ó bóo ósí,
kaa áñú táŋ ná ésós deñ édɔ dá ke ya wa á ndzobán?
5 Ve amú áleét dwe ya é kaa ndzobán nlém we,
wa ke wa kɔgle wámyen meyéá á mfá mos méyéá,
éwí é nzósoó nsaŋ Nzamá aa ye léreban,
6 Éñí aa ye yáán ya kada mot amvála ané míbɔann myeñ mí né.
7 Édɔ ná,
ngúrá mfá,
eé vé éniŋ é ne mbéámbéá ébe éñí áse aa dzéŋ dúmá ya ngaŋŋ ya átɔbɔ kaa áwú ya álaŋan á mbɔann mvéáñ;
8 ve mfá mbɔ́ɔ́,
meyéá ya meñan má eé vé ébe ébá bésesé bá dzéŋ ábúánn mot émyen,
bá kaa ki ábɔ bébélá mewók fáve ná bá bɔ ekúkwát mewók.
9 Midzuúk myá ye bɔ ya eywiññ ébe éniŋ mwann mot áse aa bɔ abé,
mwann Judio ósúá,
véa mwann Griego.
10 Ve,
dúmá,
ngaŋŋ,
ya mvwaá ébe éñí áse aa bɔ édí é ne mvéáñ,
mwann Judio ósúá,
véa mwann Griego.
11 Amú ná ébe Nzamá obea ngamm ó sés.
Métsiŋŋ Moisés
12 Akála ná é bot bése bé bɔ yaá nsémm kaa ná bé belé atsiŋŋ,
bá ye fe dzáŋ kaa atsiŋŋ;
éde ébá bésesé bá bé bɔ yaá nsémm ákoan ná bé mbelé atsiŋŋ,
bá ye fe bɔ́ kík misaŋ amvála ané atsiŋŋ é né.
13 Amú ná se é bot bá wók atsiŋŋ ébɔ́ bé ne benzósoó ósú Nzamá,
fáve ná ébá bá dzálá atsiŋŋ ébɔ́ bá ye tɔbɔ benzósoó.
14 Édɔ ná é tám meyɔŋ mefé,
ébá bĕé belé atsiŋŋ,
bá dzálá édí atsiŋŋ dá dzó amú mbyálánn weba,
ébɔ́ kaa ábelé atsiŋŋ,
mfá weba bébyen bé ne atsiŋŋ;
15 bot béte bá lére ná,
é mam atsiŋŋ dá dzaa mé ne bɔ́ ntsilann mílém été,
ásímánn ye á milém deba,
deé vé é ngañiá,
átémŋa deba dá biyɔŋ binziŋ deé sóman bɔ́,
ébí bivɔ́ɔ́ byá béé kam ya bɔ́,
16 ébe é mos Nzamá aa ye kík misaŋ amú Kristo Yesus,
é mam bot bá bɔ mésweññ amvála ané é mbamba fwéñ wɔm a ne.
Bejudio ye metsiŋŋ
17 Ve,
ngé wa é mot wa dzó ná o ne mwann Judio,
o tɔɔ́ fe ya mebúnn ya atsiŋŋ wa vága fe ya élat mína Nzamá míní belé,
18 wa yem fe nkómánn weñ,
atsiŋŋ dá dá yágale fe wa ná o tɔ́p édí é ne mvéáñ;
19 wa tɔbɔ fe ya mebúnn ná wa o ne nlére nzenn midzíndzímm,
éyéá é bot bé ne ó dzíbi ósí,
20 éñí aa yágale bedzími mam,
ya fe nyágale bwán;
o belé fe átsiŋŋ été édí ébyen é ne nyemann ya fe édí é ne bébélá.
21 Édɔ ná,
wá é mot wa yágale ébá bevɔ́ɔ́,
ye ná wăá yágale fe wámyen?
Wá é mot wa lép ébá bevɔ́ɔ́ ná bé táa dzíp,
ye wámyen wa dzíp?
22 Wá é mot wa dzó ná bé táa bɔ medzíán,
ye wa bɔ medzíán?
Wá é mot wa víni biyemá,
ye wa dut byém bíye bétemplo?
23 Wa é mot wa vága ya atsiŋŋ,
ye wa lére Nzamá osoán ya ntsamann atsiŋŋ?
24 Amú amvála ané é ne ntsilann ná,
“Éyola Nzamá é ne mbyanann énzénzaŋ meyɔŋ mefé ákála denan.”
25 É ne bébélá ná nkíkgán akeé ó ne ya eban,
fáve ngé wa dzálá atsiŋŋ;
ve,
ngé o ne ntsam metsiŋŋ,
nkíkgán akeé we wa súgan ané kaa nkíkgán akeé.
26 Édɔ ná,
ngé éñí a ne kaa nkíkgán akeé aa dzálá édí atsiŋŋ dá mánan,
ye ná băá ye láŋ é kaa nkíkgán akeé weñ ané nkíkgán akeé?
27 Éde fe ná,
éñí a ne kaa nkíkgán akeé é ñúu deñ,
ngé aa baale atsiŋŋ kada ekaŋŋ,
ye ná a sés wa kík misaŋ,
wa é mot o ne ná,
atwaa o belé atsiŋŋ ntsilann,
o tɔɔ́ fe nkíkgán akeé,
ve wa o ne ntsam metsiŋŋ?
28 Amú ná mwann Judio a sés fáve éñí a ne dɔ á mbyálánn mison,
nkíkgán akeé wá weé sés ki fáve éwí ye ó ñúu ngé ki mison.
29 Fáve ná,
mwann Judio a ne éñí a ne dɔ été,
éde nkíkgán akeé wá ó ne éwí ye á nlém été,
akála nsísim,
se amú bikaŋŋ;
olugú ye édí te,
wăá sɔ́ ébe bot,
fáve ébe Nzamá.