3
Édɔ ná,
nzá abúánn é ne ná mot a ne mwann Judio,
ngé ki ná nzá eban é ne ya nkíkgán akeé?
2 Abwiññ eban ébe memvála mése.
Édí ósúá,
amú ná Nzamá aá téle bɔ́ ná ébɔ́ átára kee bífíá byeñ.
3 Éde,
dzé?
Ngé bevɔ́ɔ́ benziŋ béye été bé ngá bɔ kaa ábwíni,
ye ná é kaa mbwínánn weba éñe aa ye bɔ ná mébúnn Nzamá mé bɔ kaa eban?
4 É sés bɔban amvála enziŋ!
Fáve ná,
Nzamá á bɔɔ́ge bébélá,
mot áse ñí ya nnéneá,
amvála ané é ne ntsilann ná:
“Mfá ye ná o tɔbɔ nzósoó ébe bífíá bywe,
ó wún fe éyɔŋ bá ye wa kík misaŋ.”
5 Ve,
ngé ékúkwát dea dá bɔ ná é nzósoó Nzamá éñe á yéne,
bía ye dzó á yá?
Ye ná Nzamá éñe a ne ekúkwát éyɔŋ aa lére méyéá meñ?
(Ma kɔ́bɔ ané bot bá kɔ́bɔ).
6 É sés bɔban amvála enziŋ!
Amú ngé néa,
éñe Nzamá aa ye kík eniŋ ngúrá misaŋ á yá?
7 Ve,
ngé amú mineá myám éñe é bébélá Nzamá ñí a ngá tɔbɔ ndzálánn mfá é dúmá deñ,
amú dzé bé ngén bá kík ma misaŋ amvála ané mbɔ misémm?
8 Éde,
amú dzé fe:
“Bĭá bɔ abé á mfá ye ná mvéáñ eé sɔ́?”
(Amvála ané bot benziŋ bá kɔ́bɔ bía abé béé bán ná bía dzó).
Nkíkgán misaŋ bot béte bá yian ya wɔ.
Bésesé bé bɔ yaá nsémm
9 Éde á yá?
Ye bí ne mvéáñ ádaŋ bɔ́?
É sés bɔban amvála enziŋ!
Amú ná bí sɔ́mán yaá ané bejudio ané begriego,
ná bésesé bé ne á nsémm ásí.
10 Amvála ané é ne ntsilann ná:
“Mot enziŋ a sés nzósoó,
atwaa mbɔ́ɔ́!
11 Mot enziŋ ye a ne ya kén a sés,
mot enziŋ ye aa dzéŋ Nzamá a sés.
12 Bésesé bé mana yaá lés;
bésesé ntéññ mbɔ́ɔ́ bé mana yaá bɔ kaa eban.
Mot enziŋ ye aa bɔ édí é ne mvéáñ a sés!
A sés atwaa mbɔ́ɔ́!
13 Éŋgɔŋ deba é ne é sɔŋ e yɔ́ɔ,
ya ménu meba bá bɔ béé duk,
nsu beñó ó ne bíyéá byeba ásí,
14 ménu meba mé ne ndzálánn ya biboŋ ya fe eywiññ.
15 Mébɔ meba mé ne avóó mfá ákúlu mekií;
16 etɔɔ́ engóngɔ́ɔ́ ya ntsamann ébyɔ bí ne ménzenn meba.
17 béé ndzí yem nzenn mvwaá.
18 é wɔŋŋ Nzamá ó sés ébe bɔ́ amvála enziŋ.”
19 Ve bía yem ná édí áse atsiŋŋ dá dzó,
dá dzó dɔ ya ébá bé tɔɔ́ átsiŋŋ ásí,
á mfá ye ná anu áse é tɔbɔ ndzipbán,
mot binam áse ñí a tɔbɔ fe á nsaŋ Nzamá ásí;
20 Akála te édɔ mot binam áse ăá ye tɔbɔ nzósoó ébe ású deñ amú ndzálánn atsiŋŋ;
amú ná atsiŋŋ édɔ dá sɔ́ ya nyemann nsémm.
Akoroga ákála mbwínánn
21 Éde éndagá,
é nzósoó Nzamá ñí a léreban yaá atwaa kaa atsiŋŋ;
atsiŋŋ ya bekúlu medzó bá bá dzó fe dɔ,
22 é ne ná é nzósoó Nzamá amú mbwínánn ébe Yesukristo,
mfá ébá bésesé bá bwíni.
Amú ná nzelann enziŋ e sés:
23 Amú ná bésesé bé mana yaá bɔ nsémm,
éde fe bá súp é dúmá Nzamá.
24 Éde bá béé tɔbɔ benzósoó dás amú ábwará deñ,
ya ákoroga é ne ébe Kristo Yesus.
25 Éñí Nzamá a ngá téle amvála ané eveŋ metúnŋa á mfá ndzámann misémm ákála mékií meñ amú mbwínánn,
á mfá álére é nzósoó weñ,
ya édzíp deñ,
Nzamá eé ndzí ñú táŋ mísémm bé ngá tára bɔ,
26 mfá álére é nzósoó weñ éyɔŋ dí,
ná éñe a ne nzósoó,
ya éñí a bɔ nzósoó é mot a belé mbwínánn ébe Yesus.
27 Édɔ ná,
mevágá mé ne ó vé?
Mĕé belé afóo.
Ya atsiŋŋ avé?
Ye édí ye míbɔann?
Kaa!
Fáve ya atsiŋŋ ye á mbwínánn.
28 Amú bí ke yaá dzian ná mot aa tɔbɔ nzósoó amú mbwínánn,
kaa mibɔann míye átsiŋŋ.
29 Ye Nzamá a ne fáve éñí bejudio etámm?
Ye ná a sés fe éñí méyɔŋ mefé?
Ãá,
a ne fe éñí méyɔŋ mefé.
30 Dá é tɔɔ́ ná Nzamá a ne mbɔ́ɔ́,
éñe fe aa ye bɔ ná ébá bé ne nkíkgán akeé bé tɔbɔ nzósoó akála mbwínánn,
ya ébá bá bé sés ki nkíkgán akeé bá bé tɔbɔ fe nzósoó amú mbwínánn.
31 Édɔ ná,
ye bía vea atsiŋŋ amú mbwínánn?
É sés bɔban amvála enziŋ!
Fáve ná bía yémyémele atsiŋŋ.