Mbwínánn Abraam
4
Édɔ ná,
mfá Abraam é tará wea,
nzá dzam bía ye dzó ná aá koan ya dɔ a tɔɔ́ mot binam?
2 Amú ná ngé Abraam a ngá tɔbɔ nzósoó akála mibɔann,
a belé é dzam aa vága ya dɔ,
ve se mfá Nzamá.
3 Amú ná,
Mitsili myá dzó á yá?
“Ané Abraam a ngá bwíni Nzamá,
éde bé ngá láŋ ñí ya dɔ nzósoó.
4 Ve,
éñí aa bɔ eséññ,
ntáŋ băá láŋ ñí wɔ́ ané dás,
fáve amvála ané mvólá.
5 Éñí ñí ăá bɔ eséññ,
ve eé bwíni ébe éñí aa bɔ nzósoó é mot a ne kaa ákɔ Nzamá wɔŋŋ,
mbwínánn weñ bá láŋ ñí wɔ́ nzósoó.
6 Amvála ané David ñí aa dzó fe dɔ,
mfá abwará dá nzu ébe é mot Nzamá aa láŋ nzósoó,
kaa mibɔann,
ná:
7 “Abwará ya é bot ntsamann metsiŋŋ weba ó ntɔɔ́ ndzwiiann;
mísémm myeba myá băá ñú ki fe táŋ.”
8 “Abwará ya é mot Ntí ăá ye láŋ nsémm weñ tám enziŋ.”
9 Édɔ ná,
abwará te,
ye é ne fáve édí é bot bé ne nkíkgán mekeé etámm?
Ye ná é sés fe édí é bot bé ne kaa nkíkgán mekeé?
Amú bía dzó ná:
Ébe Abraam mbwínánn bá láŋ wɔ́ mfá nzósoó.
10 Édɔ ná,
bé ngá láŋ ñí wɔ́ á yá?
Ye ákoan a ntɔɔ́ nkíkgán akeé,
ngé ki kaa ná á tɔbɔ nkíkgán akeé?
Ĕé mbé nkíkgán akeé,
fáve ná a tɔɔ́ kaa nkíkgán akeé.
11 Véa,
a ngá ñɔŋ ndem ye á nkíkgán akeé amvála ané sitám ye á nzósoó ye á mbwínánn ntéññ tám a mbé kaa nkíkgán akeé,
ná ábɔ éséá ye é bot bése bá bwíni kaa nkíkgán mekeé,
á mfá ye ná bé láŋ fe bɔ́ nzósoó te.
12 Ya éséá ye á nkíkgán akeé,
mfá é bot bé sés fáve bot béye á nkíkgán akeé,
fáve ná bá bee fe bibɔ́gá mébɔ bíye mbwínánn é tará wea Abraam éyɔŋ a mbé kaa nkíkgán akeé.
É ngaá é mvɔŋ bot dzeñ
13 Édɔ ná é ngaá bé ngá vé Abraam ngé ki é mvɔŋ bot dzeñ,
ná aa ye ñɔŋ é sí ñí tsígá,
béé ndzí dɔ vé akála atsiŋŋ,
fáve akála é nzósoó ye á mbwínánn.
14 Amú ná ngé bot béye á métsiŋŋ ébɔ́ bé ne ya tsígá,
mbwínánn ó ne nzeze,
ngaá da e sés ki fe ya eban.
15 Amú ná atsiŋŋ dá byéñ méyéá,
ve é vóm atsiŋŋ é sés,
ntsamann metsiŋŋ wá ó sés ki.
16 Amú dzam te,
é ne akála mbwínánn,
á mfá ye ná ó vakgan ya mvɔmm,
ná ngaá eé tɔbɔ nyémán mfá mvɔŋ ése,
se fáve ébá béye metsiŋŋ,
ve ya fe ébá béye á mbwínánn Abraam,
éñí a ne é tará bía bésesé.
17 (Amvála ané é ne ntsilann ná:
“Me téle yaá wa éséá ye ábwiññ meyɔŋ”),
tará wea ébe éñí a ngá bwíni,
dá yíli ná Nzamá,
éñí aa vé miwúán eniŋ aa lwée fe é byém bí sés amvála ané ngé bí ntɔɔ́.
18 Ákoan ná oyan ó sés ki fe,
éñe Abraam a ngá bwíni á ŋga yana,
á mfá ye ná éñe á nzu bɔ éséá ye ábwiññ meyɔŋ,
amvála ané édí bé ngá dzó ñí ná:
“éñe é mvɔŋ dzwe da ye bɔ aaná.”
19 Éde ñí kaa áteák á mbwínánn été,
eé ñú táŋ ná é ñúu deñ da é ntɔɔ́ ané nwúán,
(ákoan á mbelé ané ntet mimbú),
ábum Sara dá é tɔɔ́ fe ekom.
20 Ve,
eé ndzí belé akɔɔ́p á nlém ngé ki ábɔ kaa ábwíni é ngaá Nzamá,
fáve ná a ngá biñ nguu á mbwínánn été,
eé vé Nzamá dúmá.
21 Abraam a ngá túga yem mvéáñ ná é Nzamá a ngá vé ngaá,
a belé fe nguu ye ádzálá édí a ngá kyaa.
22 Akála te édɔ,
mbwínánn weñ bé ngá láŋ ñí wɔ́ nzósoó.